Delegación del Clero

Delegado
M. I. Sr. D. Antonio Rodríguez Basanta
981 353 295 | 670 248 594
vicarioxeral@mondonedoferrol.org

 

· Asamblea diocesana e exercicios espirituais do Clero en Mondoñedo

Desexo que ó recibo desta carta circular, como novo delegado do Clero (ou para o Clero), te encontres ben, sobre todo con bo ánimo e con desexos de emprender con ilusión este novo curso pastoral.

En primeiro lugar, agradézolle ó noso bispo a confianza depositada na miña persoa para asumir este servizo que tratarei de compatibilizar coa vicaría xeral e a pastoral parroquial. Espero poder servirte humildemente, contando coas miñas capacidades e dentro das miñas posibilidades, que son as que son neste momento.

Quero aproveitar esta comunicación para agradecerlle tamén, no nome de todos nós, ó noso compañeiro Óscar Santiago Sanmartin, o tempo e a dedicación a esta delegación. Agora, desde a zona de Guitiriz, asume a delegación de Santuarios e Peregrinacións, dentro da vicaría episcopal de Evanxelización.

En segundo lugar, anunciarche os seguintes eventos e datas:

· O día 27 de setembro, mércores, en Mondoñedo (Seminario), a partires das 10:30h., ASEMBLEA DIOCESANA DO CLERO, coa seguinte orde do día:
– Oración
– Reflexión do Sr. Bispo
– Programación pastoral do curso dentro do Plan Pastoral Diocesano 2017-2020
– Descanso
– Informes e comunicacións por parte do Sr. Ecónomo e algunhas delegacións
– Diálogo
– Xantar (hai que avisar previamente ó Seminario, telf. 982 521 000)

· O día 28 de outubro, sábado, en Mondoñedo (Seminario), ASEMBLEA DIOCESANA para os grupos parroquiais, delegacións, movementos, asociacións, etc. Convocarase con antelación suficiente.

· Do 6, luns, ó 10, venres, de novembro, en Mondoñedo (Seminario), EXERCICIOS ESPIRITUAIS para os sacerdotes, que impartirá Mons. Alfonso Milián Sorribas, bispo emérito de Barbastro-Monzón. Comezarán a partires das 11h. do luns día 6, e rematarán o venres 10 co xantar. Hai que avisar ó Seminario (telf.. 982 521 000) ou a esta delegación (telf. 981 353 295). Canto máis axiña avises mellor, porque así sabemos con quen contamos.

Sen máis polo de agora, recibe un saúdo fraterno.

Antonio Rodríguez Basanta