Arquivo Histórico Diocesano de Mondoñedo (AHDM)

Situación e contacto
Praza da Catedral, 1, 27740, Mondoñedo (Lugo)
982 521 006
arquivo@mondonedoferrol.org

Horario
Luns, martes e mércores de 10:00 a 13:00 horas. Pechado no mes de agosto, Semana Santa e Nadal. É obrigatorio solicitar cita previa.

Arquiveiro
Rvdo. D. Félix Villares Mouteira

Auxiliares
Rvdo. D. Manuel Escaríz Magariños
Rvdo. D. Jesús Grandal Vilariño
Desde o ano 2024 colabora con este arquivo un equipo de voluntarios

Recensión histórica
O arquivo diocesano comezou a súa actividade no ano 1961, momento no que monseñor Argaya Goicoechea nomeaba como primeiro arquiveiro ao sacerdote José María Fernández Fernández. Nese momento iniciáronse as obras para acoller este servizo en varias salas do primeiro piso do palacio episcopal. Non será ata o bispado de monseñor Gea Escolano cando se instale definitivamente na súa localización actual, con tres depósitos, un sistema homologado de andeis metálicos, sala de investigadores e os medios necesarios para o seu funcionamento.

Funcións
Atópase dividido en tres seccións, onde se conserva aquela documentación xerada pola Igrexa diocesana durante o últimos catro séculos, e que abarca non só documentos de carácter relixioso, senón tamén de índole social, económica, artística, demográfica etc.

Servizos
Servizo de referencia, consulta e reserva de documentos, e reproducción.

Series documentais
I. Santa Sede e Nunciatura. II: Autoridades civís. III. Bispos diocesanos. IV. Vigairía xeral. V. Secretaría de Cámara. VI. Provisorato. VII. Documentación parroquial. VIII. Administración económica diocesana. IX. Delegación de capelanías e redencións. XI. Outros organismos diocesanos. Secretariados varios.

Normas xerais: Acceso, consulta, reprografía e reproducción dixital

Indicacións para consultas
1. As solicitudes que acheguen todos os datos imprescindibles para a procura e sexan para presentar en organismos oficiais responderanse con maior rapidez. Estes datos son: Nome e apelidos da/s persoa/s a procurar; data de nacemento, matrimonio ou defunción (segundo o que interese); e o máis importante de todos, a parroquia na que foi bautizada, casou ou se celebrou o funeral de enterro. Este último dato é imprescindible; sen el resulta imposible localizar a/s partida/s que de interese, xa que a procura faise manualmente e os rexistros non están dixitalizados. Por iso, antes de enviar a súa solicitude, revise a documentación que dispoña, consulte aos seus familiares e procure enviarnos a maior cantidade posible de datos para facilitar a procura (en caso de non proporcionalos, a súa solicitude non será atendida).

2. É imprescindible indicar na solicitude a dirección de correo postal para ter coñecemento da súa procedencia e poder reenviar a/s certificación/é (no caso de localizalas).

3. Neste arquivo só se realizan procuras relacionadas con procesos burocráticos (nacionalidade, asuntos legais… ), descartando aquelas con intereses particulares. Se non se indica o motivo da solicitude, esta será automaticamente descartada.

4. Este arquivo non realiza procuras xenealóxicas.

5. Para acudir en persoa a consultar a documentación nas dependencias deste arquivo deberase solicitar unha cita previa e esperar a confirmación sobre a dispoñibilidade da reserva. Pola contra non se poderá acceder á sala de consulta.

Arquivo da Catedral de Mondoñedo (ACM)

Situación e contacto
Praza da Catedral, 1, 27740, Mondoñedo (Lugo)
982 521 006
arquivo@mondonedoferrol.org

Horario
Lunes, martes e mércores de 10:00 a 13:00 horas. Pechado no mes de agosto, Semana Santa e Nadal. É obrigatorio solicitar cita previa.
 
Arquiveiro
Rvdo. D. Félix Villares Mouteira

Reseña histórica
Empeza coa documentación da diocese, cando esta tiña a súa sé en San Martiño de Mondoñedo (Foz). Trasladada a capitalidade da diocese á actual cidade de Mondoñedo, continúa incrementándose con nova documentación, que custodia ao longo dos séculos. No século XIX o arquivo foi expoliado en tres ocasiones, sendo trasladados os seus fondos á capital da provincia, de onde foron recuperados, non sen experimentar considerables perdas, como o Tombo da Dignidade Episcopal, varios volumes de actas capitulares e libros e cadernos cobratorios de rendas e foros.

Instrumentos de descrición e consulta
· Catálogos: Dos documentos medievais en pergamiño (871-1492), da documentación do século XVI, dos protocolos da primeira metade do século XVIII e da colección diplomática medieval.
· Inventario: De todos os fondos do arquivo e un índice impreso.
· Fichas: Hai unhas 15.000 fichas, nas que se poden localizar facilmente os grandes descritores aos que se fai referencia nos inventarios.
· Fondos microfilmados: De todos os documentos en pergamiños soltos e os que se achan nos tumbos.

Servizos
Servizo de referencia, consulta e reserva de documentos, reprodución e biblioteca especializada (o cabido catedralicio dispón dunha pequena biblioteca ao servizo do arquivo, integrada por unhas 1050 obras. As materias principais son as de Dereito canónico e Historia da Igrexa, así como unha pequena sección de historia local).

Arquivo Diocesano de Xestión-Administrativo de Ferrol (ADGAF)

Situación y contacto
Domus Ecclesiae, Miramar, s/n, 15401 Ferrol (A Coruña)
981 353 295

Horario
De luns a venres, de 8 a 15:00 horas, excepto os martes (con cita previa).

Arquiveiro
D. Carlos M. Alonso Charlón
carlos.alonso@mondonedoferrol.org
Membro da Asociación de Archiveros de la Iglesia en España (AAIE) e da Asociación de Profesionais dos Arquivos, Bibliotecas, Museos e Centros de Documentación de Galicia (BAMAD)

Reseña histórica
Arquivo creado en 1963 a raíz da posta en funcionamento da Domus Ecclesiae, sede episcopal na cidade, convictorio sacerdotal e servizos xerais da curia.

Funcións
Este arquivo custodia a documentación mentres aínda está en trámite ou é de uso moi frecuente e ten que prestar servizo inmediato á diocese. A súa organización forma parte do traballo da propia unidade administrativa. Entre as súas funcións principais destacan a formación, a clasificación e a ordenación de expedientes, a creación de series, a descrición documental e a elaboración de bases de datos e índices.

Documentación que custodia
· De apoio informativo: Textos legais, boletíns oficiais, publicacións, copias de informes e dossier de prensa.
· Expedientes administrativos: Conxunto ordenado de documentos e actuacións que serven de fundamento e antecedentes dunha resolución administrativa, así como as dilixencias encamiñadas a executala. Está formado pola agregación sucesiva de documentos, solicitudes, ditames, informes, probas, dilixencias e resolucións derivadas da actividade diocesana diaria como institución relixiosa.
A documentación permanece neste arquivo ata a súa eliminación ou transferencia definitiva ao arquivo diocesano.

Servizos
Servizo de referencia, consulta e reserva de documentos, reprodución e acceso a internet.

Series documentais
I. Bispos. II. Autoridades. III. Parroquias. IV. Institucións diocesanas. V. Administración. VI. Patrimonio. VII. Xudiciais. VIII. Outros organismos. IX. Persoal. X. Provisorato. XI. Documentación varia.

Prácticas universitarias
Desde o ano 2019 este arquivo mantén activo un convenio de colaboración coa Universidade da Coruña (UDC), a través do cal os alumnos e alumnas do grao en Información e Documentación da facultade de Humanidades e Documentación poden solicitar as súas prácticas curriculares neste centro diocesano.