{"id":21332,"date":"2023-11-17T08:00:45","date_gmt":"2023-11-17T07:00:45","guid":{"rendered":"https:\/\/mondonedoferrol.org\/?p=21332"},"modified":"2023-11-17T09:28:51","modified_gmt":"2023-11-17T08:28:51","slug":"non-apartes-o-teu-rostro-do-pobre","status":"publish","type":"post","link":"https:\/\/mondonedoferrol.org\/gl\/non-apartes-o-teu-rostro-do-pobre\/","title":{"rendered":"Non apartes o teu rostro do pobre","raw":"Non apartes o teu rostro do pobre"},"content":{"rendered":"

A pobreza ten hoxe moitos rostros<\/strong>. Ref\u00edrese a todas as realidades de vulnerabilidade e exclusi\u00f3n, de sufrimento e dependencia, de inxustiza e fraxilidade que existen ao noso ao redor. Por desgraza, nunca est\u00e1 lonxe de n\u00f3s<\/strong>. Entre estes rostros dos pobres est\u00e1n os que non te\u00f1en o necesario para levar unha vida digna, aqueles que carecen de medios econ\u00f3micos b\u00e1sicos. Pero tam\u00e9n os que te\u00f1en que fuxir dos seus pa\u00edses para non seguir sometidos \u00e1 pobreza, \u00e1 violencia, \u00e1 guerra ou \u00e1 fame; os que sofren abusos e violencia, especialmente as mulleres; as persoas que sofren adicci\u00f3ns; o mundo do c\u00e1rcere e do senfogarismo; as v\u00edtimas de trata, da explotaci\u00f3n e do racismo; as minor\u00edas exclu\u00eddas ou os anci\u00e1ns abandonados; os traballadores que non ven reco\u00f1ecido o seu dereito a un traballo digno; as persoas, especialmente novas, que sofren unha pobreza espiritual porque se atopan s\u00f3s ou non descobren sentido \u00e1 s\u00faa vida, nin atoparon ao Deus \u201camigo da vida\u201d\u2026<\/p>\n

Son rostros de persoas concretas, veci\u00f1os nosos que habitan nas nosas mesmas cidades e aldeas. Nunha sociedade profundamente desigual e individualista, que acrecenta escandalosamente as diferenzas econ\u00f3micas e sociais, que busca asegurar o benestar e silenciar o que poida desasosegar a nosa pl\u00e1cida comodidade, por que fixarnos hoxe nos pobres e po\u00f1elos no noso punto de mira? Por que, como nos convida sabiamente a Escritura, non debemos apartar o noso rostro do pobre? Ten sentido dedicar, como fai a Iglesia, unha xornada para fixarnos nos pobres?<\/strong><\/p>\n

Para os cristi\u00e1ns, a resposta a estas preguntas vai m\u00e1is al\u00f3 da necesaria solidariedade que ani\u00f1a no coraz\u00f3n de todo ser humano. Non se trata tampouco dun xesto de puro altru\u00edsmo nin de xustiza que xorde da urxencia de constru\u00edr sociedades centradas na persoa. Para os cristi\u00e1ns, na nosa relaci\u00f3n cos pobres at\u00f3pase a esencia e o contido central do Evanxeo<\/strong>. Como nos lembra o papa Francisco, \u201cestamos chamados a descubrir a Cristo neles, a prestarlles a nosa voz nas s\u00faas causas, pero tam\u00e9n a ser os seus amigos, a escoitalos, a interpretalos e a recoller a misteriosa sabedor\u00eda que Deus quere comunicarnos a trav\u00e9s deles\u201d.<\/p>\n

En efecto, os pobres son esa pr\u00f3xima e andante \u201ctenda do encontro\u201d, como a que utilizaba Mois\u00e9s no deserto, para atoparse co mesmo Deus. E ao atoparnos con Deus saberemos mellor quen somos. O libro do \u00c9xodo dinos que, cando acud\u00eda a esta tenda, o seu rostro transform\u00e1base naquel lugar sacro penetrado pola s\u00faa presenza. Da mesma maneira, nos pobres os crentes atop\u00e1monos co propio Xes\u00fas que con eles se identifica. Por iso, a opci\u00f3n polos pobres non \u00e9 arbitraria, sen\u00f3n consecuencia de nosa mesma fe cristol\u00f3xica.<\/p>\n

Durante esta semana tiven a sorte de visitar diferentes realidades e entidades que est\u00e1n preto destas periferias humanas<\/a>. Agradezo e reco\u00f1ezo o seu empe\u00f1o por escoitar, acoller, visibilizar, axudar a tantas persoas. Como di o papa Francisco, \u201co interese polos pobres non se esgota en esmolas apresuradas, esixe restablecer as xustas relaci\u00f3ns interpersoais que foron afectadas pola pobreza\u201d. Nese sentido, todo esforzo \u00e9 pouco por facer unha sociedade m\u00e1is inclusiva, xusta e acolledora que traballe polos dereitos de todos<\/strong>. Xunto a iso, a proximidade aos m\u00e1is pobres hanos de levar ao don e o compromiso de vivir a pobreza e de servir aos pobres.<\/p>\n

A Xornada Mundial dos Pobres interr\u00f3ganos a todos, pero especialmente aos cristi\u00e1ns<\/a>. Nese sentido, par\u00e9cenme interesantes estas palabras de Francisco que critica aos \u201ccristi\u00e1ns que comentan, debaten e expo\u00f1en teor\u00edas, pero non co\u00f1ecen polo seu nome nin sequera a un pobre, non visitan un enfermo desde hai meses, non deron para comer ou vestiron a ningu\u00e9n, nunca estreitaron amizade cun necesitado esquecendo que o programa do cristi\u00e1n \u00e9 un coraz\u00f3n que ve\u201d. Este ha de ser o noso empe\u00f1o.<\/p>\n

O voso irm\u00e1n e amigo.<\/p>\n

+ Fernando, bispo de Mondo\u00f1edo-Ferrol<\/p>\n

\n

?Un r\u00edo de pobreza atraviesa nuestras ciudades. Parece arrastrarnos tanto que el grito de los que necesitan ayuda se hace m\u00e1s fuerte.<\/p>\n

?Un a\u00f1o m\u00e1s volvemos a unirnos a @_CARITAS<\/a> para animarte a que te movilices por ellos: #JornadaMundialDeLosPobres<\/a> #19denoviembre<\/a> pic.twitter.com\/En7HTGBD3N<\/a><\/p>\n

\u2014 Of. Informaci\u00f3n CEE (@prensaCEE) November 15, 2023<\/a><\/p><\/blockquote>\n