'Habla la Diócesis' (21.06.2021): Campamento Diocesano + Camiño do Mar + Seminaristas mayores

Espacio presentado por Ada Romero y coordinado por Baruk Domínguez

Intervención semanal del administrador diocesano a través de los micrófonos de la Cadena COPE

· XII DOMINGO DO TEMPO ORDINARIO: Na primeira lectura, Deus amósase diante de Xob como o Señor do mar e do universo, acalando así as súas dúbidas. No Evanxeo, Xesús fai o milagre de tranquilizar o vento e a tormenta na barca cos seus discípulos que, asustados, amosaban a debilidade da súa fe. Xesús vai revelando a súa divindade: «Pero quen é este? Ata o vento e o mar o obedecen!». A barca no mar con frecuencia simboliza á Igrexa. Nela Cristo vai connosco e, no medio das tempestades deste mundo, das dificultades, da persecución, habemos de manter a nosa fe nel, pois nunca nos abandona. Deamos, pois, grazas ao Señor, porque é eterna a súa misericordia.

· Mañá comezan en Mondoñedo os exercicios espirituais dirixidos por monseñor Santiago Agrelo, arcebispo emérito de Tánger. Como será este retiro e de que xeito participarán nel os sacerdotes da nosa diocese? Precisamente, no último día destes exercicios espirituais teremos unha nova importante para a nosa diocese, xa que dous seminaristas maiores darán un paso importante no seu compromiso. Que pasará o vindeiro venres con Álvaro e Salva?

· Non deixamos aínda o Seminario, xa que temos que actualizar hoxe unha nova que xa avanzamos no mes de maio, pero que cambio un chisco por mor das actuais circunstancias, que é a volta do Campamento Diocesano á presencialidade. Daquela falabamos da posibilidade de que fose no mes de xullo no Colexio Martínez Otero de Foz, pero por diversos condicionantes non puido sair adiante e houbo que pensar noutras posibles alternativas. De feito, durante estas últimas semanas os membros do colectivo estiveron traballando para facelo realidade e finalmente houbo a opción de facelo de novo no Seminario de Mondoñedo, neste caso entre os días 11 e 15 de agosto.

· Para mozos e mozas un chisco máis maiores, tamén temos unha opción a nivel galego na Escola de Voluntariado de Mans Unidas Galicia. Trátase dunha proposta formativa e vivencial dirixida a mozas e mozos galegos de entre 18 e 35 años, que pretende dotalos de ferramentas e capacidades para o traballo en favor da Axenda 2030, mellorando a comprensión dos obxectivos de desenvolvemento sostible e do papel fundamental que a cidadanía, a través do voluntariado, ten para lograr superar as inxustizas e desigualdades existentes na actualidade.

· Xa que falamos de actividades de verán, non podemos esquecer o Camiño de Santiago, que desde estes últimos días conta cunha novidade importante na nosa diocese e que ten que ver co Camiño do Mar, o roteiro que pasa por diferentes localidades da Mariña e Ortegal. De feito, o responsable do Centro Internacional de Atención ao Peregrino e tamén sacerdote diocesano, Segundo Pérez, confirmaba que todos aqueles que completen esta ruta e conten coa certificación que o acredite lograrán a compostela en igualdade de condicións que outros que o fagan a través doutros camiños xa oficializados por parte da Xunta de Galicia.

Servicio Diocesano de Comunicación

@mondonedoferrol