De Cariño a Santo André de Teixido, nova proposta de «Roteiros desde a fe»

• A actividade é gratuíta e inclúe o transporte de ida e volta desde Ferrol, con saída ás 09.00 horas da Praza de Galicia

A Delegación de Peregrinacións e Camiño de Santiago organiza o vindeiro 31 de outubro unha nova xornada de «Roteiros desde a fe», nesta ocasión polo camiño que transcorre desde Cariño a Santo André de Teixido. A actividade será gratuíta e incluirá o transporte de ida e volta desde Ferrol.

A saída está prevista para as 09:00 horas desde a praza de Galicia, diante de Correos. As prazas son limitadas e as persoas interesadas deben inscribirse previamente por teléfono ou WhatsApp no 639 903 393.

O programa combina a camiñada cun encontro ao chegar a Santo André, onde se ofrecerá un aperitivo de confraternidade. A xornada incluirá tamén un acto de ofrenda e acción de grazas no santuario.

«Roteiros desde a fe» é unha iniciativa que promove encontros arredor da marcha a pé. En anteriores edicións, o programa percorreu outros lugares da diocese, como o traxecto entre o barrio ferrolán de Canido e o castelo de San Felipe.

[Portada: https://caminoasanandres.com/]