A Xornada Mundial do Migrante renova en Mondoñedo-Ferrol o chamamento á acollida e á integración

• A xornada, baixo o lema «Incluso un só destes pequenos», terá lugar no Seminario de Mondoñedo o sábado 26 de setembro e culminará cunha eucaristía na catedral
• «Porque todos somos irmáns» (Mt 25, 40), esta é unha oportunidade valiosa para poñer en práctica a acollida e a solidariedade cristiá

A Diocese de Mondoñedo-Ferrol, a través da súa Delegación de Migrantes, Refuxiados e Trata, convócanos a un novo Encontro con Migrantes e Refuxiados no marco da Xornada Mundial do Migrante 2026. Esta iniciativa ten como obxectivo fomentar a acollida, a integración e o diálogo coas persoas migrantes. A xornada desenvólvese baixo o lema elixido polo papa León XIV para a celebración deste ano: «Incluso un só destes pequenos» (Mt 25, 40).

Segundo os organizadores, «estamos convidados todos os membros da comunidade cristiá que desexemos fomentar a cultura do encontro nunha sociedade cada vez máis polarizada. Non se trata de realizar un encontro de migrantes, senón de vivir un encontro con migrantes. O que se busca é ser capaces de establecer pontes e espazos de diálogo e de coñecemento mutuo».

O acto terá lugar no Seminario de Mondoñedo o sábado 26 de setembro. Estableceranse rutas de autobús para achegar ás persoas interesadas. É necesario inscribirse previamente para unha mellor organización. Para iso, basta con achegarse á parroquia onde informarán adecuadamente ou escribir ao correo electrónico migrantes@mondonedoferrol.org

Horarios de autobuses/teléfonos

Comarca de Ferrolterra
08:45 h. Caranza enfrente de Correos
08:55 h. Parada de Correos Ferrol
09:05 h. Colegio Mercedarias
09:15 h. Farmacia del Alto del Castaño
Persoa responsable: 616 28 18 11 (Toyi)

Zona de Viveiro-Xove
08:45 h. Estación de autobuses de Viveiro
08:50 h. Celeiro
09: 00 h. Xove
Persoa de contacto: 675 807 592 (Suso)/ 633 156 257 (Alejandro)

Zona Cervo-Burela-Cordido
09:00 h. S. Ciprian
09:10 h. Burela
09:15 h. Cangas
Persoa de contacto: 600 49 81 49 (María José)

Zona As Pontes-Vilalba
09:00 h. As Pontes
09:30 h. Vilalba (frente al asilo)
Persoa de contacto: 600 64 48 89 (Manoly)/ 620 31 95 80 (Nelson)

Programa da xornada e invitación á diocese

A xornada comezará ás 10:30 horas cun momento de acollida, ao que seguirá unha oración interrelixiosa. Tras a mesma, os nenos e mozos separaranse para realizar actividades adaptadas á súa idade. Os adultos reflexionarán en talleres sobre a realidade dos menores nos procesos migratorios e a necesidade dun coidado especial cara a eles. Ofreceranse tamén cauces adecuados para dito coidado. Habará tamén a oportunidade de realizar un círculo de silencio na Praza da Catedral, como xesto reinvindicativo en favor dos dereitos das persoas migrantes.

Tras o xantar no propio Seminario, terá lugar a celebración eucarística na catedral de Mondoñedo, presidida polo bispo diocesano, monseñor Fernando García Cadiñanos, que tamén é presidente da Comisión Episcopal de Migracións e Mobilidade Humana da Conferencia Episcopal.

A xornada está deseñada como un espazo de convivencia e enriquecemento mutuo. Non só será un momento para a reflexión sobre a importancia da hospitalidade e a xustiza social, senón que tamén incluirá momentos para a interacción e a alegría compartida.

Desde a Delegación de Migrantes anímase a toda a comunidade diocesana, movementos, parroquias e persoas de boa vontade a participar neste día de encontro. Especialmente invítase a todos os migrantes e ás súas familias presentes na diocese. «Porque todos somos irmáns» (Mt 25, 40), esta é unha oportunidade valiosa para poñer en práctica a acollida e a solidariedade cristiá.

DESCARGA
Mensaxe do papa León para a Xornada Mundial do Migrante 2026
Cartel español
Cartel galego
Mensaje de los obispos
Revista «Migraciones» (2026)
Subsidio litúrgico-PDF
Subsidio monitor-PDF