Aberta a preinscrición para o Campamento Diocesano 2024

Sabes que ides facer durante os últimos días de xullo? Queredes embarcar nunha aventura incrible este verán? Prestade atención, pois agora mesmo presentámosvos a proposta ideal para gozar dun xeito especial parte dos teus días de vacacións. Tedes o mellor motivo para saír da casa en busca de incribles emocións, tedes a escusa perfecta para coñecer novas amizades…

Como vén sucedendo dende hai máis de 40 anos, o Colectivo Campamento Diocesano de Mondoñedo-Ferrol, en colaboración coa delegación de Xuventude da nosa diocese, organiza un campamento para rapaces e rapazas (nados entre os anos e 2008 e 2015) entre os días 21 e 28 de xullo, no seminario menor Santa Catarina en Mondoñedo.

Dende estas páxinas queremos ensinarvos un pouquiño todas esas actividades das que ides poder gozar en Mondoñedo durante os días do campamento. Se xa pasaches con nós algún verán máis, seguro que estás agardando a que chegue o momento de marchar para o campamento. Se estás pensando en vir por primeira vez, non o dubides máis, seguro que repetirás.

Non tedes máis que enviar a ficha de preinscrición antes do 14 de xuño de 2024 a: Colectivo Campamento Diocesano, Apartado de Correos 34, 27780 Foz (Lugo), por correo electrónico a: campadiocesano@hotmail.com ou se queredes tamén podedes inscribirvos cun formulario web

Para máis información:
campadiocesano.wixsite.com/campadiocesano
644 028 949
campadiocesano@hotmail.com

Tamén podedes preguntar na parroquia ao voso sacerdote ou catequista.

Durante os días do campamento imos xuntarnos moitas persoas en Mondoñedo, isto supón un gasto para todos. O prezo do campamento será de 160 euros.