«El Espejo» (16.01.2026): Campamento Diocesano + Oración unidad de los cristianos + Catequistas de Galicia

Programa «El Espejo de Mondoñedo-Ferrol» do venres 16 de xaneiro de 2026. Magacine semanal de actualidade diocesana, dirixido e presentado durante estes meses polo sacerdote Javier Martínez, en substitución de Baruk Domínguez, a través de COPE Ferrol e COPE de la Costa-Ribadeo.

Entrevista: Ángela Requejo, Colectivo Campamento Diocesano

Neste canto, El Arrebato fálanos de mochilas, de aventura, seguir un camiño lixeiros de equipaxe. Sérvenos para anunciar que entre o 19 e o 26 de xullo de 2026, centrado no tema das benaventuranzas, vai ter lugar unha nova edición do Campamento Diocesano. Recentemente celebrouse a asemblea xeral do Colectivo e hoxe temos con nós a Ángela Requejo, vogal da coordinadora, con quen falaremos desta cita fundamental no calendario da diocese dirixida aos máis novos.

Entrevista: Dieudonné Abayizera, delegado de Ecumenismo

A música de Taizé sérvenos para falar de ecumenismo, pois entre o 18 e o 25 de xaneiro celebrarase a Semana de Oración pola Unidade dos Cristiáns. Este ano baixo o lema “Un só espírito, unha soa esperanza”. Este ano a Igrexa Apostólica de Armenia foi a encargada de preparar as oracións e reflexións da Xornada. Para falarnos desta convocatoria tivemos connosco ao padre mercedario Dieudonné Abayizera, delegado diocesano de Ecumenismo.

Entrevista: Alberto Leiva, Catequistas de Galicia

O vindeiro sábado 24 de xaneiro Santiago acollerá o Encontro de Catequistas de Galicia, unha cita para medrar na comunidade e na sinodalidade, para renovar o compromiso e afondar na misión catequética hoxe. Para falarnos deste encontro contamos co delegado de catequese da diocese de Lugo e coordinador do mesmo, Alberto Leiva.

Para pensar: «No es el color, es el corazón» 

A sección «Para pensar» é unha reflexión semanal que prepara cada mes unha delegación/secerdote/relixioso/laico da nosa diocese. Durante este mes de xaneiro encárganse a comunidade relixiosa das Mercedarias de Ferrol.

Tamén che pode interesar

Podcast da programación diocesana en radio
Arquivo web de audios
Servizo diocesano de Comunicación