«El Espejo» (26.06.2026): Xornada de Responsabilidade no Tráfico + Peregrinación a Lourdes + O Camiño do Mar na diocese

Programa «El Espejo de Mondoñedo-Ferrol» do venres 26 de xuño de 2026. Magacine semanal de actualidade diocesana, dirixido e presentado por Baruk Domínguez, a través de COPE Ferrol e COPE de la Costa-Ribadeo.

Entrevista: Ignacio M. Carnero, Pastoral da Carretera

O próximo 5 de xullo a Igrexa celebra a 58ª Xornada de Responsabilidade no Tráfico, con motivo da festa de San Cristobo, patrón dos condutores. O lema deste ano, parte do capítulo 10 de san Mateo e dinos “Sede prudentes e sinxelos”. A xornada coincide coas datas de grandes desprazamentos estivais. Desde a delegación diocesana de Pastoral da carretera facilítase unha estampa da Virxe da Prudencia e de san Cristóbo, un adhesivo dos e subsidios litúrxicos para a celebración. Na súa mensaxe, os bispos agradecen especialmente o labor social de transportistas e traballadores de servizos, gasoliñeiras ou talleres. Para falarnos desta xornada temos hoxe connosco a Ignacio M. Carnero, membro do equipo de voluntarios da delegación diocesana.

Entrevista: Cándido Otero, Hospitalidad de Nuestra Señora de Lourdes

O vindeiro luns partirá cara a Lourdes a peregrinación diocesana, ata o 3 de xullo, acompañados polo noso bispo Fernando. O lema do santuario neste ano parte do primeiro misterio gozoso e é “alégrate, chea de graza, o Señor está contigo”, unha frase que marca o inicio dun camiño espiritual que durará tres anos e que parte do Evanxeo de Lucas. Para falarnos da programación da viexe temos connosco a Cándido Otero, consiliario da Hospitalidad de Nuestra Señora de Lourdes.

Entrevista: Manuel Vicente, Asociación de Amigos del Camino del Mar

Rematamos esta quenda de entrevistas cun roteiro polo Camiño do Mar. Falamos con Manuel Vicente, presidente e impulsor principal da Asociación Amigos do Camino del Mar, que transcorre desde Ribadeo ata Teixido, e enlazando co Camiño Inglés en Neda.

Para pensar: «El valor de caminar juntos»

A sección «Para pensar» é unha reflexión semanal que prepara cada mes unha delegación/secerdote/relixioso/laico da nosa diocese. Durante este mes de xuño encárganse a comunidade relixiosa das Franciscanas de la Purísima Concepción de Foz.

Tamén che pode interesar

Podcast da programación diocesana en radio
Arquivo web de audios
Servizo diocesano de Comunicación