«El Espejo» (27.02.2026): A clase de Relixión + A vertente social das confrarías + O compomiso do matrimonio

Programa «El Espejo de Mondoñedo-Ferrol» do venres 27 de febreiro de 2026. Magacine semanal de actualidade diocesana, dirixido e presentado durante estes meses polo sacerdote Javier Martínez, en substitución de Baruk Domínguez, a través de COPE Ferrol e COPE de la Costa-Ribadeo.

Entrevista: Virginia Vila, profesora de Relixión

Neste curso, a clase de Relixión céntrase no lema “Somos instrumentos da súa paz”, integrando valores, espiritualidade, experiencia cristiá… inspirado tamén na figura de san Francisco de Asís. Doutra banda, a Conferencia Episcopal Española convídanos a través da web meapuntoareligion.com a matricular aos nosos fillos na materia de Relixión. Para tratar estes temas, hoxe quixemos que nos acompañase unha profesora que conta cunha longa experiencia e percorrido docente: Virginia Vila, profesora do Colexio Arenales Compañía de Ferrol.

Entrevista: Helena Pena, irmá maior da Confraría da Mercé de Ferrol

Abordamos agora a vertente solidaria das confrarías de Semana Santa, e para falar diso, tivemos connosco a Helena Pena, que é desde 2021, a primeira muller que está á fronte da Xunta de Goberno da Confraría da Mercé de Ferrol. Esta confraría destaca pola súa vertente social, organizando eventos solidarios como a recollida de alimentos en ensaios procesionais, colaborando con entidades como o Banco de Alimentos.

Entrevista: Nelson Javier Ortiz, grupo diocesano de Pastoral Familiar

Recentemente na parroquia de Caranza, dezaoito matrimonios renovaron o seu compromiso nunha celebración que estivo enmarcada na Semana do Matrimonio organizada pola delegación de Laicos, Familia e Vida. Para falarnos desta experiencia tivemos connosco a Nelson Javier Ortiz, quen chegou de Colombia hai vintecinco anos, nas Pontes coñeceu á que agora é a súa muller e xuntos comezaron un camiño de compromiso.

Para pensar: «Un viaje inesperado» 

A sección «Para pensar» é unha reflexión semanal que prepara cada mes unha delegación/secerdote/relixioso/laico da nosa diocese. Durante este mes de febreiro encárganse a comunidade relixiosa das Discípulas de Jesús (Ferrol).

Tamén che pode interesar

Podcast da programación diocesana en radio
Arquivo web de audios
Servizo diocesano de Comunicación