Os sacerdotes formáronse en compliance e protección de datos

O martes 21 de xaneiro celebrouse no Seminario de Mondoñedo una nova sesión da formación permanente dos sacerdotes da nosa diocese. Organizada pola delegación do Clero, nesta ocación versou sobre o compliance e a protección de datos e foi impartida por Inés Otero e Manuel Lobato, de Aristeia Avogados.

Falamos de compliance ao referirnos a un «conxunto de procedementos e boas prácticas adoptados polas organizacións para identificar e clasificar os riscos operativos e legais aos que se enfrontan e establecer mecanismos internos de prevención, xestión, control e reacción fronte aos mesmos».

A avogada Inés Otero abordou o tema do compliance normativo, disciplina de gran importancia na actualidade, que constitúe un programa de cumplimento legal e de prevención de delitos. Concretamente, expuxo o mapa de risco e os principais mecanismos de prevención. Pola súa banda, Manuel Lobato, avogado e tamén delegado diocesano de Protección de Datos, centrou a súa exposición na normativa aplicable nesta materia e nos seus principios xerais, así como na súa aplicación e observación no eido diocesano.

Nesta xornada formativa participaron uns trinta sacerdotes diocesanos. Nos prolegómenos, o bispo Fernando García Cadiñanos aproveitou o encontro para compartir a súa experiencia na recente viaxe á Reúplica de Cabo Verde, na que, xunto con dous sacerdotes e dúas relixiosas, tiveron ocasión de coñecer a realidade social e eclesial deste país africano co gallo do 500º aniversario da creación da diocese de Santiago de Cabo Verde.

 

Ver esta publicación en Instagram

 

Una publicación compartida de Diócesis de Mondoñedo-Ferrol (@mondonedoferrol)