Romaría de San Cosme da Montaña, mañá venres na parroquia de Galgao

Mañá venres, 27 de setembro, celebrarase a tradicional romaría de San Cosme da Montaña, na parroquia de Galgao, no Concello de Abadín. O bispo da diocese, monseñor Fernando García Cadiñanos, presidirá a eucaristía ás 13:00 horas, nun templo que o vindeiro ano 2025 cumprirá cen anos da súa inauguración. Haberá misas tamén ás 10, 11:30 e 17:00 horas.

As primeiras referencias históricas sobre o santuario de San Cosme de Galgao (estivo situado en “Samordás”) remóntase, polo menos, ao século X. O actual (novo) templo abriuse ao culto o 25 se setembro de 1925. Sobre o seu traslado cóntase que algúns veciños non consideraban unha boa situación o lugar polo seu marcado illamento e falta de camiños. Nese tempo existiron desavinzas pola construción do novo emprazamento, incluso se di que algúns fregueses seguían trasladando o santo á súa antiga capela; e mesmo a prensa da época fai referencia á aparición dalgún dano causado nas obras do novo templo para que non se inaugurase.

Atópase no roteiro do Camiño Norte.