Unha fin de semana para preguntarse «quen leva as rendas da túa vida»

• A Diocese de Mondoñedo-Ferrol convoca un novo Cursillo de Cristiandade, «un espazo de pausa e discernimento persoal»

Do 20 ao 22 de novembro de 2026, a Diocese de Mondoñedo-Ferrol ofrece un novo Cursillo de Cristiandade no Seminario de Mondoñedo. A cita coincide co último domingo do ano litúrxico e coa festa de Cristo Rei, e propón un espazo de pausa e discernimento persoal.

A proposta parte da palabra de san Paulo: “No mundo hai moitos deuses e señores, pero nós temos un só Deus, o Pai, do que procede todo, e un só Señor, Xesucristo, por medio do cal existe todo e nós” (1 Co 8,6). Nunha vida a miúdo dominada por medos, angustias, afán de ter ou praceres, os Cursillos convidan a facer un “break” para preguntarse que cousas están a dirixir realmente a propia existencia e a atopar un camiño de liberdade en Cristo.

O encontro está aberto a persoas de todas as idades que aínda non teñan feito cursillos, especialmente xóvenes que están a buscar. Desde a organización animar a participar sen preocuparse polo prezo, xa que «cada quen dá o que pode».

O domingo pola tarde, familiares e amigos poderán sumarse para participar nas II Vésperas e nunha pequena merenda.

Para resolver dúbidas, pódese escribir ao email vic.evanxelizacion@mondonedoferrol.org ou chamar ao 699 735 419. A inscrición faise cubrindo este formulario en liña