- As celebracións terán lugar na capela do cemiterio de Catabois e na catedral de Mondoñedo, e están abertas a todas as persoas que desexen participar
Como vén sendo tradición nos últimos anos, o bispo diocesano, monseñor Fernando García Cadiñanos, presidirá diferentes celebracións con motivo da conmemoración dos Fieis Defuntos.
O día 2 de novembro, ás 17:00 horas, na capela do cemiterio de Catabois de Ferrol celebrarase unha eucaristía en sufraxio de todos os fieis diocesanos, especialmente polos que descansan neste cemiterio ferrolán. O acto está aberto a todas as persoas que desexen participar. Na mesma capela terá lugar tamén unha eucaristía co gallo da solemnidade de Todos os Santos, o 1 de novembro, ás 17:00 horas.
O luns 3 de novembro, ás 10:30 horas, a igrexa catedral de Mondoñedo acollerá unha misa funeral por todos os bispos e sacerdotes defuntos da diocese, con especial recordo para os sacerdotes falecidos durante o último ano: Rvdo. Francisco Gómez García, Rvdo. José Antonio Fernández Santos e o Rvdo. Jesús M. Vázquez Paz. A celebración estará presidida polo bispo diocesano e concelebrada por todos os sacerdotes que o desexen. Tamén neste caso, a misa está aberta a todas as persoas que queiran asistir.
A nivel parroquial, o bispo Fernando presidirá tamén a celebración da eucaristía nas seguintes parroquias da UPA Guitiriz-Begonte-Saavedra (visitando estas igrexas que non puido facer durante a visita pastoral): o domingo 1 de novembro, en San Pedro de Pígara (11:00 horas), Sambreixo de Parga (12:00 horas) e Santa Leocadia de Parga (13:00 horas).
Para coñecer os horarios de celebracións nas parroquias e UPA é preciso contactar directamente con elas a través de email ou teléfono, ou consultando as súas canles nas redes sociais.










Nacido en Ferrol el 21 de abril de 1983. Realiza los estudios posobligatorios, hasta COU, en el Colegio Tirso de Molina de los PP. Mercedarios en Ferrol.
Nacida en Ferrol (A Coruña) el 24 de mayo de 1972.




















