Cáritas Diocesana presenta la III Andaina Solidaria Inclusiva «Memorial Carmela Primo»

No contexto actual dunha realidade social complexa onde dende Cáritas Diocesana de Mondoñedo-Ferrol acompañamos a aquelas persoas cuxos dereitos humanos están sendo vulnerados, a nosa misión encádrase en facer visíbeis ditas situacións e no acompañamento no acceso ao mesmos.

O noso modelo de acción social invítanos a mirar dende a perspectiva dos dereitos humanos detectando realidades nas que atopamos inxustizas, necesidades e tamén capacidades e potencialidades nas persoas que acompañamos posibilitando dende dita perspectiva o seu proceso de promoción persoal e social.

Neste marco, celebraremos o día 2 de xuño de 2024 o Día da Caridade (CORPUS), tendo esta data un sentido moi particular para a nosa entidade.

Un dos obxectivos de dita campaña é visibilizar os diferentes colectivos que acompañamos dende os distintos programas da entidade: persoas maiores en situación de soidade, familias e infancias en situación de exclusión social, atención a persoas en situación de sen fogar, acollida e acompañamento nas Cáritas Parroquiais, emprego e formación. Outro dos obxectivos é a captación de fondos para poder facer efectiva a atención a ditas participantes.

Caridad 2024
¡Te esperamos! pic.twitter.com/o4Ahn7qSwt

— Cáritas Mondoñedo-Ferrol (@CaritasMondoFer) May 15, 2024

Dentro das actividades incluidas na campaña deste ano, cuxo lema é «Allí donde nos necesitas. Abrimos camino a la esperanza», na zona de Ferrolterra atópase a III Andaina Solidaria Inclusiva. Memorial Carmela Primo, en recordo á nosa compañeira e educadora social falecida en xuño do pasado ano. Dita andaina levarase a cabo o sábado 1 de xuño de 2024. Sairemos dende a Praza de Armas e a Igrexa de San Nicolás de Neda ás 11 da mañá percorrendo un tramo do Camiño Inglés duns 7 km aproximadamente que rematará coa xuntanza dos dous grupos na Praza de Galicia, Narón. O importe do dorsal será de 8 euros, existindo a posibilidade de adquirir un dorsal solidario. Ditos dorsais poderan adquirirse nas diferentes Cáritas parroquiais de Ferrol e Narón, o Centro de Día de Inclusión Social “Gabriel Vázquez Seijas” (Rúa Magdalena 221), nas farmacias solidarias e no seguinte enlace https://forms.office.com/e/DnEwccsbMV. Para iso, solicitamos e animamos á colaboración da cidadanía, entidades sociais e entes públicos na participación desta iniciativa solidaria.

Na zona da Mariña, a andaina terá lugar o sábado 25 de maio, cun toteiro circular de seis kilómetros de distancia con saída e chegada na praia do Coto, con concello de Barreiros. Ás 09:00 horas sairá un autobús desde Viveiro, con paradas en Xove, San Cibrao, Burela e Foz a ta Barreiros.

Fonte: Cáritas Mondoñedo-Ferrol