Confirmacións de adultos 2023: Comunicado da delegación de Catequese

O vindeiro 27 de maio, véspera da solemnidade de Pentecoste, na catedral de Mondoñedo (19:00 horas), o bispo Fernando García Cadiñanos confirmará aos adultos da nosa diocese que neste curso se foron preparando nos diferentes arciprestados e parroquias.

Así o anunciou, nunha carta enviada ás parroquias e UPA, o responsable do catecumendao de Mondoñedo-Ferrol, Carlos Miranda:

«A confirmación remata a iniciación cristiá, momento moi importante na vida dun cristián, e que nos últimos anos nos ofrece unha oportunidade de vivir e ofrecer un itinerario de catequese de adultos a quenes, por diversas razón, a interrumpiron.

A experiencia dos últimos anos é moi positiva, porque adultos de toda condición, de diferentes ámbitos da diocese, profesionais de tódolos campos e persoas migrantes chegadas nos últimos anos, conflúen nun itineraio que lles axuda a reformular a fe na adultez da súa vida; polo que é una oportunidade de ouro para as nosas parroquias, unidades pastorais e arciprestados para esta nova etapa evanxelizadora que nos pide o papa Francisco».

Cercana xa a celebración, é necesario cubrir este formulario e envialo canto antes á dirección de email de delegación de Catequese: dcatequese@mondonedoferrol.org