Crónica da asemblea plenaria do Consello Diocesano de Pastoral

Baixo a presidencia do bispo Fernando García Cadiñanos, o pasado pasado o 28 de outubro tivo lugar no Seminario de Mondoñedo a reunión de comezo de curso da asemblea plenaria do Consello Diocesano de Pastoral (CDP). Nas súas palabras de benvida, o prelado quixo suliñar que este consello «é o órgano máis palpábel a nivel diocesano onde se avalía, escoita e acolle a realidade sinodal».

Seguindo os puntos da orde do día, na reunión interviron o vigairo para a Sinodalidade, o sacerdote Antonio Rodríguez, cun relatorio baseado nos ministerios laicais na Igrexa; e a delegada de Laicos, Familia e Vida, Mar Sarmentero, quen expuxo o proxecto pastoral para o desenvolvemento dos ministerios laicais, entendidos como vocación de servizo á comunidade. Tras estas intervencións, os membros do consello reuníronse en grupos de traballo para reflexionar e facer propostas sobre o plan pastoral presentado.

Na parte final, avanzáronse varias informacións de carácter diocesano e eclesial, como a próxima convocatoria de eleccións dos membros do CPD en cada arciprestado, co fin de que o novo consello poda constituirse nun prazo breve de tempo. Doutra banda, o bispo informou sobre a recente publicación do Informe do Defensor do Pobo sobre os abusos sexuais a menores na Igrexa en España. Lembráronse tamén algunhas datas de especial interese para os vindeiros meses, como a asemblea diocesana do vindeiro 4 de novembro, a Xornada Mundidal dos Pobres (19 de novembro), o Día Internacional dos Dereitos do Neno (26 de novembro), os retiro de Advento para laicos en Mondoñedo (9 de decembro) e en Ferrol (10 de decembro) e a Xornada da Sagrada Familia (31 de decembro).