«El Espejo» (17.04.2026): Asemblea de Catequistas + Liña 105 Xtantos + Peregrinación seminaristas a Portugal

Programa «El Espejo de Mondoñedo-Ferrol» do venres 17 de abril de 2026. Magacine semanal de actualidade diocesana, dirixido e presentado por Baruk Domínguez, a través de COPE Ferrol e COPE de la Costa-Ribadeo.

Entrevista: Carlos Miranda, delegado diocesano de Catequese e Catecumenado

Este sábado, 18 de abril, a localidade de Vilalba acollerá a Asemblea Diocesana de Catequistas de Mondoñedo-Ferrol 2026, un encontro pensado para reunir a todos os/as catequistas da diocese. Presidida polo noso bispo, a xornada virará ao redor do tema da iniciación cristiá, en sintonía cos obxectivos pastorais deste curso. Hoxe acompáñanos o delegado diocesano de Catequese, Carlos Miranda, para presentarnos os detalles desta cita tan especial, o seu programa e o sentido que ten para a vida catequética da nosa diocese.

Entrevista: Alberto Varela, delegado de Xuventude

Co gallo da visita do papa León a España, desde a delegación de Mondoñedo-Ferrol prepárase unha viaxe en grupo con saída o venres 5 pola tarde e regreso o domingo 7 de xuño. De momento, abriuse un proceso de preinscrición para quen desexe sumarse e nos próximos días publicarase información detallada sobre os prezos, o aloxamento, as comidas e outros aspectos loxísticos. Cóntanos a última hora deste viaxe o noso delegado de Xuventude, Alberto Varela.

Entrevista: Andrés Segura, seminarista diocesano

Esta semana queremos compartir convosco unha experiencia de fe: o Seminario Interdiocesano “Apóstolo Santiago” realizou recentemente unha peregrinación a Fátima, que incluíu paradas en cidades como Guimaraes, Porto, Coimbra e Braga, e que culminou no Santuario da Nosa Señora de Fátima. Hoxe acompáñanos no programa o seminarista diocesano Andrés Segura, que viviu de cerca esta experiencia e quere contarnos que significou para el camiñar xunto aos seus bispos e compartir estes días de oración.

Entrevista: Carlos Alonso, Comisión de Sostemento

Nuns días, a diocese de Mondoñedo‑Ferrol proxéctarase ao público cunha iniciativa moi especial: a “Liña 105 XTantos”, unha viaxe guiada polo corazón da nosa realidade eclesial, onde se descobren as distintas obras e proxectos que a Igrexa sostén grazas á colaboración e a corresponsabilidade dos fieis a través do X da declaración da renda. Acompáñanos no programa Carlos Alonso, responsable da Comisión Diocesana para o Sostemento da Igrexa, que nos vai contar como vai a inscrición, que supón a “Liña 105 XTantos” para a nosa diocese e por que invitamos á comunidade para participar nesta viaxe.

Para pensar: «El caminante»

A sección «Para pensar» é unha reflexión semanal que prepara cada mes unha delegación/secerdote/relixioso/laico da nosa diocese. Durante este mes de abril encárganse a comunidade relixiosa dos PP. Mercedarios (Ferrol).

Tamén che pode interesar

Podcast da programación diocesana en radio
Arquivo web de audios
Servizo diocesano de Comunicación