«El Espejo» (17.10.2025): DOMUND + Comezo da catequese + Novo curso da Escola Diocesana de Evanxelización

Programa «El Espejo de Mondoñedo-Ferrol» do venres 17 de outubro de 2025. Magacine semanal de actualidade diocesana, dirixido e presentado durante estes meses polo sacerdote Javier Martínez, en substitución de Baruk Domínguez, a través de COPE Ferrol e COPE de la Costa-Ribadeo.

Entrevista: Alejandro Piñon, delegado de Misións

O noso programa de hoxe quere achegarse á alegría da evanxelización, nunha semana na que a Igrexa celebra a xornada do Domund. Nela pedimos, rezamos e colaboramos cos misioneiros do mundo. O Domund é unha chamada á responsabilidade de todos os cristiáns na evanxelización. Coñecemos da nosa diocese polo menos a catorce misioneiros en países como Tailandia, República Dominicana, Venezuela, Mozambique, Bolivia, Australia, Marrocos, Perú, Colombia ou O Congo… Para falarnos da campaña deste domingo tivemos connosco ao delegado de Misións da nosa diocese, Alejandro Piñón.

Entrevista: Carlos Miranda, delegado de Catequese

Achegámonos á catequese que está a arrancar en moitas das nosas parroquias. O lema deste ano é “Tempo de misión, tempo de catequese”. Para convidarnos nesta tarefa no comezo do curso entrevistamos a Carlos Miranda, delegado de Catequese e Catecumenado da nosa diocese.

Entrevista: Óscar Fernández, vigairo para a Evanxelización

Nun programa adicado á evanxelización non podía faltar un achegamento á vigairía diocesana para a Evanxelización, que se encarga de coordinar a tarefa das delegacións de Catequese, Xuventude, Vocacións, Ensino, Misións, Pastoral Rural, Pastoral do Mar, Ecumenismo e Pastoral da Carretera. Falamos co vigairo, Óscar Fernández, acerca de comunicar, evanxelizar, transmitir… e de como vive a diocese de Mondoñedo-Ferrol este momento e este desafío.

Para pensar: «La semilla y el viento» 

A sección «Para pensar» é unha reflexión semanal que prepara cada mes unha delegación/secerdote/relixioso/laico da nosa diocese. Durante este mes de outubro encárgase o seminarista diocesano Andrés Segura.

Tamén che pode interesar

Podcast da programación diocesana en radio
Arquivo web de audios
Servizo diocesano de Comunicación