«El Espejo» (19.12.2025): Sembradores de Estrellas + Nadal e solidaridade en Mondoñedo e Burela

Programa «El Espejo de Mondoñedo-Ferrol» do venres 19 de decembro de 2025. Magacine semanal de actualidade diocesana, dirixido e presentado durante estes meses polo sacerdote Javier Martínez, en substitución de Baruk Domínguez, a través de COPE Ferrol e COPE de la Costa-Ribadeo.

Último programa do ano 2025. Voltaremos o vindeiro 9 de xaneiro. Bo Nadal e proveitoso 2026!

Entrevista: Loli Rozas, Hija de la Caridad de San Vicente de Paúl en Mondoñedo

O Nadal non é un día ao ano, senón que hai lugares onde a solidariedade do Nadal realízase todos os días no compromiso, no amor e na entrega. O próximo 25 de decembro, o bispo celebrará a eucaristía de Nadal no Hospital San Pablo e San Lázaro de Mondoñedo, unha casa onde se constrúe a alegría na atención integral a persoas con discapacidade física e psíquica. Achegámonos hoxe a un fogar dun forte compromiso e dunha continua dedicación. Quixemos hoxe que nos contase como é na actualidade este centro a súa superiora, Loli Rozas.

Entrevista: Cristina Fernández, UPA Caranza-El Pilar

Este domingo 21 de decembro algo grande vai suceder en Caranza. A través da campaña «Sembradores de Estrellas» convídasenos a poñer unha estrela e a cantar ao Nadal, reforzando así o espírito comunitario e do Nadal do barrio de Caranza. Para contárnolo, temos hoxe connosco no Espello a Cris Fernández Massa.

Entrevista: Martina Sendino, Hija del Divino Celo de Burela

O luns 22, o noso bispo Fernando García visitará á comunidade relixiosa das Hijas del Divino Celo en Burela, que xestiona o Centro de Menores “San Aníbal” e o Centro de Acollida e Inclusión Social “María Nazarena”. Realizan un amplísimo labor con centros sociais de toda clase, acollendo pobres, marxinados e espazos de mocidade e infancia en especial vulnerabilidade. O próximo ano van cumprir os 25 anos de presenza na nosa diocese. Temos hoxe connosco a Martina Sendino, unha das cinco relixiosas da casa, para contarnos a súa tarefa e como se vai a vivir este Nadal en Burela.

Para pensar: «La casa de los mil espejos» 

A sección «Para pensar» é unha reflexión semanal que prepara cada mes unha delegación/secerdote/relixioso/laico da nosa diocese. Durante este mes de decembro encárganse a comunidade relixiosa das Misioneras Apostólicas de la Caridad de Ferrol.

Tamén che pode interesar

Podcast da programación diocesana en radio
Arquivo web de audios
Servizo diocesano de Comunicación