«El Espejo» (24.10.2025): Encontro diocesano de inicio de curso + Xornadas de Pastoral Familiar de Galicia

Programa «El Espejo de Mondoñedo-Ferrol» do venres 24 de outubro de 2025. Magacine semanal de actualidade diocesana, dirixido e presentado durante estes meses polo sacerdote Javier Martínez, en substitución de Baruk Domínguez, a través de COPE Ferrol e COPE de la Costa-Ribadeo.

Entrevista: Miguel López, delegado de Catequese do arcebispado de Santiago de Compostela

Mañá sábado 25 desenvolverase no Seminario de Mondoñedo o Encontro Diocesano de inicio do curso pastoral. Nel presentarase o plan do curso, haberá talleres, tempo de lecer e xesto de envío á misión. Dentro das claves importantes neste ano atópanse o primeiro anuncio, a cultura vocacional, a organización das UPA, os ministerios laicais, as celebracións dominicais da Palabra, a catequese e a iniciación cristiá. Nese marco sitúase o relatorio de Miguel López Varela, delegado de Catequese do arcebispado de Santiago de Compostela, que hoxe está con nós no programa.

Entrevista: Bárbara Martínez

Baixo o lema “A familia como fonte de esperanza”, a fin de semana pasada, Santiago acolleu o V Encontro Interdiocesano de Formación de Pastoral Familiar de Galicia. Case oitenta axentes de todo Galicia déronse cita alí, tratando temas como a esperanza, o acompañamento ás persoas maiores ou que viven unha soidade non desexada, a realidade do cárcere ou o alcoholismo e o seu impacto nas familias. Da nosa diocese participaron varios matrimonios e voluntarios. Hoxe estivo con nós unha delas, Bárbara Martínez-Esparza, nai, mestra e auxiliar pediátrica que ademais é colaboradora da delegación diocesana de Laicos, Familia e Vida.

Para pensar: «El espejo de la verdad» 

A sección «Para pensar» é unha reflexión semanal que prepara cada mes unha delegación/secerdote/relixioso/laico da nosa diocese. Durante este mes de outubro encárgase o seminarista diocesano Andrés Segura.

Tamén che pode interesar

Podcast da programación diocesana en radio
Arquivo web de audios
Servizo diocesano de Comunicación