Encontro de delegados, voluntariado e profesionais da Pastoral da Saúde de Galicia

• Terá lugar o 29 de novembro en Lugo baixo o lema «Peregrinos de esperanza»
• Mons. Carrasco: «O encontro axudaranos a renovar ou noso compromiso cos enfermos e con quenes os coidan»

As delegacións de Pastoral da Saúde da provincia eclesiástica de Santiago organizan o seu tradicional encontro anual de carácter formativo, este ano na cidade de Lugo o sábado 29 de novembro. A xornada está aberta á participación de todos, pero especialmente faise unha chamada ao voluntariado que colabora na Pastoral da Saúde, aos capeláns de hospitais e residencias, así como aos profesionais das área sanitarias.

O tema que se abordará nesta edición, no marco do ano xubilar, é o de «Peregrinos de esperanza». O encontro comezará con dúas charlas a cargo de José Carlos Bermejo, relixioso camilo, experto en humanización da saúde e coñecido escritor, divulgador, investigador e conferenciante. Tras o almorzo haberá unha mesa de experiencias para rematar coa celebración da eucaristía xubilar na catedral de Lugo.

En palabras de monseñor Alfonso Carrasco, bispo de Lugo e coordinador desta pastoral a nivel da provincia eclesiástica, este encontro formativo da Pastoral da Saúde «axudaranos a renovar ou noso compromiso cos enfermos e con quenes os coidan».

Aquelas persoas interesadas en participar terán que contactar directamente coa delegación diocesana de Pastoral da Saúde e Maiores, no email psalud@mondonedoferrol.org o no WhatsApp 686 99 86 85 (José Luis).