Festa da Virxe dos Remedios e ofrenda á Nosa Señora

Mondoñedo celebrará cun completo programa as festas patronais dos Remedios do 10 ao 12 de setembro

A cerimonia estará presidida polo bispo diocesano e será o rexedor do concello de Mondoñedo o encargado de presentar a ofrenda

29 agosto 2022.- O santuario mariano dos Remedios de Mondoñedo centrará a atención diocesana o vindeiro domingo 11 de setembro, coa celebración, a partir das 12:00 horas, da misa solemne na honra da Santísima Virxe dos Remedios, patrona da cidade e de toda a diecese de Mondoñedo-Ferrol.

Precisamente o alcalde de Mondoñedo, Manuel Otero, e o deán da catedral mindoniense, Pedro Díaz, acompañados dos membros da comisión de festas, presentaron recentemente o cartel oficial das festas, que teñen como eixo central a ofrenda que presentan as cidades e vilas capitais de partido xudicial da diocese de Mondoñedo-Ferrol.

A ofrenda, que se mantivo sen interrupción ao longo dos anos da pandemia, será presentada nesta ocasión polo alcalde do concello de Mondoñedo, e recuperará a tradicional procesión coa imaxe da patroa, acompañada pola banda de música «Pascual Veiga» e coa traca pirotécnica habitual. A cerimonia estará presidida polo obispo diocesano, monseñor Fernando García Cadiñanos.

O Luns dos Remedios, festivo local, será o día da misa de confrades e a ambientación musical neste día correrá a cargo da orquestra “Nueva Fuerza”. O programa complétase coa Agrupación Folclórica “Cantigas e Agarimos” de Santiago de Compostela, prevista para o Domingo dos Remedios, o dúo Belinda, e os coros «Mindoniense» e «Mestre Pacheco», a festa de clausura das piscinas municipais, así como unha ruta de sendeirismo.

Artículos relacionados

Síguenos

5,484FansMe gusta
4,522SeguidoresSeguir
1,230SuscriptoresSuscribirte

Últimas publicaciones

Etiquetas