Ortigueira celebrará o 800º aniversario de Afonso X cun concerto de Carlos Núñez

O recital será de balde e os interesados xa poden reservar os tiquets

Será o vindeiro 9 de setembro na igrexa parroquial de Santa Marta

29 agosto 2022.- O Concello de Ortigueira organiza para o vindeiro 9 de setembro (20:30 h.) un concerto para celebrar o 800º aniversario de Afonso X O Sabio. Será na Igrexa de Santa Marta e estará protagonizado polo músico Carlos Núñez.

O concello pon a disposición das persoas interesadas a reserva de entradas, cuxo máximo serán de dous tiquets por persoa ou enderezo electrónico, en dúas modalidades. Por unha banda, a través do correo electrónico ortigueiracultura@gmail.com, desde o 30 de agosto ás 10:00 horas, indicando o nome ou nomes das persoas que asistirán. Ou ben de xeito presencial, que poderán ser retiradas a partir do 31 de agosto nas oficinas do consistorio, en horario de 10:00 a 14:00 horas.

Ca finalidade de evitar asentos libres, dez minutos antes da hora do concerto poranse a disposición do público as entradas devoltas ou os billetes dos asentos que non estean ocupados á hora límite de entrada ao concerto, as 20:15 horas. A apertura de portas será ás 19:30 horas.

Haberá unha zona reservada para persoas con cadeiras de rodas. Esta situación deberá ser indicada no momento de realizar a reserva.

O recital será totalmente de balde e desde o consistorio agradécese a devolución das entradas no caso de non ser posible a asistencia.

Fonte: Concello de Ortigueira

Artículos relacionados

Síguenos

5,484FansMe gusta
4,522SeguidoresSeguir
1,230SuscriptoresSuscribirte

Últimas publicaciones

Etiquetas