O Colexio do Pilar de Foz acollerá durante o verán o programa “Familia Educa”

O espazo de preservación familiar “San Aníbal Familia Educa”, que leva funcionando en Foz desde o pasado mes de febreiro, traslada as súas actividades ao CPR Nosa Señora do Pilar durante os meses de verán.

Familia Educa” é un proxecto levado a cabo entre a Cáritas Diocesana de Mondoñedo-Ferrol e as Fillas do Divino Celo Rogacionistas e que conta con subvención por parte da Consellería de Emprego e Igualdade da Xunta de Galicia.

Trátase dun servizo gratuíto de prevención e formación no ámbito educativo e sociofamiliar, adicado a mellorar as condicións de convivencia nas unidades familiares que contan con nenos, nenas ou adolescentes e que se atopan nunha situación de certa vulnerabilidade.

O “Familia Educa” Verán desenvolverase entre o 26 de xuño e o 1 de setembro. Conta con capacidade para 24 rapaces (de 3 a 14 anos de idade) e o seu horario de conciliación cubre desde as 8:00 da mañá ata as 15:00 horas. Polo momento aínda quedan prazas dispoñibles (os interesados deben contactar cos Servicios Sociais do Concello de Foz).

Talleres, xogos, estimulación lectora e cognitiva, saídas lúdicoculturais no entorno son algunhas das actividades que ocuparán a meirande parte do programa, que será atendido por un pedagogo, unha psicóloga e unha educadora.

Artículos relacionados

Síguenos

5,484FansMe gusta
4,583SeguidoresSeguir
1,230SuscriptoresSuscribirte

Últimas publicaciones

Etiquetas