Óscar Fernández e Darío Trujillo foron presentados como novos párrocos da UPA Begonte-Guitiriz

Onte domingo, 21 de setembro, o bispo de Mondoñedo-Ferrol, monseñor García Cadiñanos, presentou no santuario da Virxe dos Milagres de Saavedra aos novos párrocos da UPA de Begonte e Guitiriz, no contexto da festa das Angustias e da Natividade. A misa estivo moi concorrida, coa asistencia de fieis das distintas parroquias da zona de Begonte.

Na celebración leuse o nomemamento dos dous párrocos (os reverendos Óscar Fernández Expósito e o recentemente ordenado presbítero Darío Trujillo Valencia), quenes fixeron profesión de fe e publicamente expresaron a súa obediencia ao bispo. Logo, don Fernando entregou aos novos párrocos a distintos lugares da Igrexa, como o baptisterio, o confesionario ou as chaves do sagrario. Tamén os invitou a tocar a campá.

Na súa homilía, o bispo explicou o sentido das unidades pastorais e da corresponsabilidade de todos os fieis, xuntamente cos sacerdotes, na edificación da Igrexa.

Tras a misa desenvolveuse a procesión pola contorna do santuario.