Español
Galego
981 35 32 95
mcs@mondonedoferrol.org
O templo parroquial de Burela acollerá unha misa no seu nome o vindeiro venres 17 ás 19 horas
Decenas de sacerdotes da diocese e doutros puntos asistiron onte ao funeral celebrado en Foz
O reverendo Xosé Ramón Marful Rodríguez naceu na parroquia de Santiago de Foz o día 1 de setembro de 1937. Estudou latín e Humanidades, Filosofía e Teoloxía no Seminario 'Santa Catalina' de Mondoñedo. Foi ordenado sacerdote o 12 de xuño de 1965 polo bispo monseñor Jacinto Argaya no Congreso Eucarístico Comarcal de As Pontes de García Rodríguez.
No ano 1966 foi nomeado cura ecónomo das parroquias de santa María e san Pantaleón de Cabanas dos concellos de O Vicedo e Ourol respectivamente. Seis anos despois encargáronlle a veciña parroquia de san Paulo de Riobarba, do concello de O Vicedo.
En 1977 foi nomeado párroco de san Bartolomé de Xove, santo Estevo de Sumoas e, anos despois, tamén de san Miguel da Rigueira e san Isidoro do Monte.
No ano 1988 foi nomeado párroco de san Xoán de Lagostelle-Guitiriz, atendendo ocasionalmente a parroquia de santo Estevo de Parga e outras da zona.
Finalmente foi nomeado párroco de santa María de Burela onde exerceu o seu ministerio sacerdotal durante case vinte anos ata a súa xubilación. Neste período foi por un tempo arcipreste de San Martiño e membro do Padroado “Martínez Otero” de Foz.
Retirado por enfermidade na residencia sacerdotal do Seminario de Mondoñedo, que levou con exemplar resignación cristiá, foi chamado inesperadamente á casa do Pai eterno na tarde de antonte, luns.
De don Ramón poderiamos dicir moito e ben. Foi ante todo un sacerdote entregado, humilde, servicial e traballador. Alí por onde pasou levou a cabo una gran labor social, cultural, pastoral e espiritual que aínda perdura.
Evocando as palabras do evanxeo, encomendámolo ó Señor na esperanza que lle dirá: “Fuches fiel e cumpridor, pasa ó banquete do teu Señor”.
En ausencia obrigada do bispo, que o encomenda ó Señor, presidirá a celebración do seu funeral o vicario xeral da diocese, don Antonio Rodríguez Basanta.
REFERENCIAS EN PRENSA
· Adiós a Ramón Marful, en Foz, el cura que se hizo «querer por todos»
· In Memoriam, don Ramón Marful
· El párroco Ramón Marful será hoy enterrado en Foz y el viernes habrá misa en Burela
· Pesar en Burela por la muerte de su expárroco Ramón Marful (2017)
· Burela muestra su cariño al expárroco Ramón Marful (2017)
· "En Burela gañeime o título de don Ramón" (2017)
· «Sempre me gustou o humor» (2017)
· El párroco percibe la tristeza de las familias y la indignación del sector (2005)
Nacido en Ferrol el 21 de abril de 1983. Realiza los estudios posobligatorios, hasta COU, en el Colegio Tirso de Molina de los PP. Mercedarios en Ferrol.
