Sete sacerdotes foron homenaxeados na festa de San Xoán de Ávila

O presbiterio diocesano celebrou onte en Mondoñedo a festividade do seu patrón

11 maio 2022.- Onte martes, 10 de maio, o presbiterio da nosa diocese celebrou a festa do seu santo patrón, san Xoán de Ávila. Como é costume celebrouse esta xornada no Seminario «Santa Catarina» de Mondoñedo, e foi presidida polo bispo Fernando García Cadiñanos.

Foron homeaxeaados os sacerdotes que celebran este ano as súas vodas sacerdotais: Vodas de prata (1997): Carlos Gómez Iglesias; Vodas de diamante (1962): José Díaz Rodríguez, Manuel Grandal Gómez, José María Ladra López, José Vázquez Mouriz e Gabriel Folgueira Teijeiro. Noraboa a todos!

A xornada contemplou o rezo da Hora Intermedia, a homeaxe aos sacerdotes cunha breve intervención de cada un, unha eucaristía e un xantar compartido.

Desde a delegación do Clero informan da convocatoria da próxima quenda de exercicios espirituais, que nesta ocasión serán dirixidos por Vicente Altaba Gargallo, sacerdote da diocese de Teruel e exdelegado episcopal de Cáritas Española. Serán no Seminario de Mondoñedo do 20 ao 24 de xuño.
 

 

Artículos relacionados

Síguenos

5,484FansMe gusta
4,519SeguidoresSeguir
1,230SuscriptoresSuscribirte

Últimas publicaciones

Etiquetas