Xa dispoñible a nova canle diocesana de WhatsApp

O equipo de Comunicación da diocese vén de crear unha nova forma de estar ao día de todo o que ocorre na nosa diocese. Trátase dunha iniciativa que vai un pouquiño máis alá do antigo servizo diocesano de WhatsApp, facilitando o acceso e a conexión a esta canle.

Ata o de agora, para darse de alta neste servizo, era obrigatorio enviar unha mensaxe ao número 686 74 86 79, coa palabra «ALTA» e indicando o nome e apelidos do solicitante. Pero con esta nova funcionalidade xa non será necesario. É suficiente con acceder a https://whatsapp.com/channel/0029VaE8pQPJUM2hpSqHz804 e darlle a «Seguir». Desta forma o usuario pasa a formar parte da comunidade diocesana en WhatsApp, integrada a día de hoxe por máis dun milleiro de seguidores.

Os antigos suscritores do servizo diocesano de WhatsApp non terán que facer ningunha acción e seguirán recibindo as mensaxes do xeito habitual.

Lembramos que a través desta canle a diocese comparte, de luns a venres, o evanxeo do día, noticias, axenda, avisos, fotografías, vídeos e toda a actividade nas redes sociais (tanto da diocese como das parroquias, UPA, confrarías e institucións oficiais da Igrexa), cun tratamento especial aos tuits do papa Francisco e do bispo Fernando García Cadiñanos.

Desde a secretaría de Comunicación da diocese anímannos a compartir coas nosas amizades e familiares o link de acceso para que a información diocesana chegue cada día a máis xente.

Esta nova funcionalidade activarase o vindeiro luns 13 de novembro.

Fotografía de portada: D. Pahariya