Xubileu dos sacerdotes de Galicia e vodas sacerdotais en Mondoñedo

O vindeiro día 14 de maio celebrarase no santuario dos Milagres de Ourense o Xubileu dos sacedotes das cinco dioceses de Galicia. Os presbíteros peregrinarán, segundo indica o programa da xornada, cara o santuario, para recibir alí o sacramento da penitencia, celebrar a eucaristía e facer a profesión da súa fe. Este ano, cunha lembranza especial do papa Francisco, recentemente falecido.

A acollida na contorna do santuario será ás 10:45 horas, para, a continuación, recibir unha catequese-testemuño por parte do arcebispo emérito de Pamplona-Tudela, monseñor Francisco Pérez González. De seguido terá lugar a celebración penitencial, ás 12:00 horas, e a eucaristía ás 13:00 horas, para rematar cun xantar.

A festa sacerdotal celebrarase este ano o 12 de xuño

Doutra banda, segundo informa o delegado do Clero, a festa sacerdotal de San Xoán de Ávila, na que tradicionalmente se homenaxea aos presbíteros que celebran as súas vodas sacerdotais, non se celebrará este ano o 10 de maio. «Xuntarémonos», sinala Antonio R. Basanta, «en Mondoñedo, na festa de Xesucristo sumo e eterno sacerdote, o xoves 12 de xuño».

Os sacerdotes que serán homenaxeados este 2025 son os seguintes:

· Vodas de prata (25 anos): Rvdo. Jesús Álvarez Piñón e Rvdo. José Eduardo Silva Parada.

· Vodas de ouro (50 anos): Rvdo. Vicente Bretal Sande.

· Vodas de Diamante (60 anos): Rvdo. Ignacio Díaz Veiga, Rvdo. Avelino González
Loureiro e Rvdo. Rafael Lombardero García.

· Vodas de platino (70 anos): Rvdo. Virgilio Barro Casabella e Rvdo. Jesús Vázquez Paz.