Xunta e concello cofinancian a rehabilitación da cuberta da ermida mindoniense de Guadalupe

A axuda forma parte das actuacións para a mellora paisaxística e embelecemento de bens e recursos que se atopan no Camiño de Santiago

O templo encádrase no territorio histórico do Camiño Norte a Santiago

A ermida de Guadalupe atópase no concello de Mondoñedo, na parroquia de Santa María de Vilamor, no barrio de Grove. A edificación presenta na actualidade un deficiente estado de conservación, polo que a Xunta de Galicia e o concello de Mondoñedo confinanciarán, cun orzamento de 20.000 euros, a rehabilitación da súa cuberta.

A obra solicitada refire á mellora paisaxística e de embelecemento de bens e recursos que se atopan no Camiño de Santiago, perseguindo a posta en valor do Camiño como elemento do territorio histórico do Camiño de Santiago do Norte.

O prazo de execución estímase en tres meses. Os traballos que engloban estas axudas centraranse na rehabilitación da cuberta da capela, seguindo os principios de conservación e restauración. As obras propostas actuarán nos elementos deteriorados, substituíndo unicamente os estritamente necesarios por outros de características similares, axustándose á tipoloxía orixinal da edificación. Realizaranse tamén tarefas de limpeza de restos vexetais na cuberta, limpeza das vigas, trata da madeira con produtos fronte os insectos e fungos de pudrición e recolocaranse os elementos de remate da cuberta de lousa.