Compostela acolleu o encontro dos responsables da catequese de Galicia

Onte xoves 20 de febreiro tivo lugar no Monte do Gozo un encontro entre o arcebispo de Santiago, monseñor Francisco Prieto, e o equipo de catequese de todas as dioceses de Galicia, con presenza diocesana, a través do delegado de Catequese e Catecumenado, o sacerdote Carlos Miranda.

Durante a sesión, o arcebispo de Santiago (elixido entre os cinco bispos de Galicia para acompañar e dirixir ao equipo de catequese) escoitou atentamente as inquietudes e propostas de cada un dos responsables. Debateuse sobre os temas prioritarios que requiren abordarse nos vindeiros anos para a catequese e o rol dos catequistas en Galicia.

O encontro caracterizouse por un diálogo fraterno no que se intercambiaron opinións e se identificaron as urxencias comúns nas distintas dioceses ao redor da catequese e o servizo do ministerio de catequista.

Tamén che pode interesar

Diaconado e ministerios laicais en Mondoñedo-Ferrol
Delegación diocesana de Catequese e Catecumenado
Catequese de Galicia