«El Espejo» (12.09.2025): Ordenación sacerdotal Darío Trujillo + Visita pastoral Ortegal + Presentación Estudios Mindonienses

Programa «El Espejo de Mondoñedo-Ferrol» do venres 12 de setembro de 2025. Magacine semanal de actualidade diocesana, dirixido e presentado durante estes meses polo sacerdote Javier Martínez, en substitución de Baruk Domínguez, a través de COPE Ferrol e COPE de la Costa-Ribadeo.

Entrevista: Darío Trujillo Valencia, diácono

Sen dúbida é unha das noticias do ano na nosa diocese. A ordenación sacerdotal de Darío Trujillo mañá sábado na catedral de Mondoñedo será, como el mesmo afirmaba estes día, un «auténtico regalo de Deus» para toda a comunidade. No «Espello» tivemos a ocasión de contactar con el e coñecer como se atopa as horas antes dun paso tan importante na súa vida. Lembrade que a cerimonia estará presidida polo bispo Fernando e poderase seguir na canle diocesana de Youtube. Parabéns, Darío!

Entrevista: Javier Santiago, arcipreste de Ortegal

Cunha eucaristía xubilar no santuario de Santo André de Teixido remataba a pasada semana a visita pastoral do bispo diocesano ao arciprestado de Ortegal. Co seu arcipreste, Javier Santiago, repasamos como se desenvolveu esta visita e analizaremos a carta que o bispo dirixiu aos cristiáns destas terras, na que compartía a súa visión de futuro e o agarimo con que foi recibido en todas as parroquias, institucións e colectivos que visitou.

Entrevista: Benito Méndez, director do anuario ‘Estudios Mindonienses’

A gran referencia cultural da nosa diocese é sen dúbida o anuario de estudios históricos «Estudios Mindonienses», que ven de editar on novo volume, que na tardiña de hoxe se presentará oficialmente no Seminario de Mondoñedo. Co seu director, o coéngo Benito Méndez, coñeceremos o corpus de traballos desta nova entrega e en que consistirá o acto de hoxe, no que intervirán dous invetigadores, o bispo e o alcalde de Mondoñedo.

Tamén che pode interesar

Podcast da programación diocesana en radio
Arquivo web de audios
Servizo diocesano de Comunicación