Faleceu o sacerdote diocesano Rvdo. Jesús Torrado Souto

O funeral terá lugar o xoves 30 de xullo, ás 12:15 horas na parroquia de Budián

Don Jesús Torrado Souto naceu en Santa María de Xestoso o 17 de setembro de 1928. Fixo os seus estudios de latín e humanidades, filosofía e teoloxía no Seminario Conciliar Santa Catalina de Mondoñedo.

Foi ordenado sacerdote o 26 de maio de 1956 por monseñor Mariano Vega Mestre, desempeñando logo os seguintes cargos pastorais:

· Cura ecónomo de Santa María do Sixto (Ourol) no ano 1956, e encargado de Santa María de Ambosores en 1957.

· Cura ecónomo de San Cibrao de Vieiro entre os anos 1959 e 1963.

· Párroco de Santa Olalla de Budián desde 1963 e cura encargado de Santo Estevo de Moucide nese mesmo ano, e de San Xiao de Cordido en 1968 ata hoxe.

· Estivo encargado de San Pedro de Cangas entre os anos 1979 e 1984, e foi administrador parroquial de San Sebastián de Carballido no ano 1989.

· Foi tamén arcipreste do Valadouro en 1968 e 1972.

Persoa moi afable e servicial que se mantivo activo no seu ministerio pastoral longos anos, desde a súa ordenación ata fai escasos días, cando tivo que ser ingresado no Hospital Público da Mariña.

O xoves 30 de xullo, ás 12:15 horas, e presidido polo bispo da diocese, terá lugar o funeral na igrexa de Santa Olalla de Budián (O Valadouro, Lugo) e, a continuación, o enterro no cemiterio parroquial. 

Descanse merecidamente na paz do Señor e encontre nel a misericordia e o premio dos seus traballos.

Artículos relacionados

Síguenos

5,484FansMe gusta
4,606SeguidoresSeguir
1,230SuscriptoresSuscribirte

Últimas publicaciones

Etiquetas