Español
Galego
981 35 32 95
mcs@mondonedoferrol.org
Intervención semanal del administrador diocesano a través de los micrófonos de la Cadena COPE
· VI DOMINGO DE PASCUA: Cristo chamounos a ser os seus amigos, e é el o que nos elixiu e nos destinou para levar ao mundo a Boa Nova do seu amor. E isto farémolo amándonos uns a outros como el fíxoo ao dar a vida por nós e por todo o mundo. Así testemuñamos que Deus é amor, un amor que nos manifestou enviándonos ao seu Fillo como vítima de propiciación polos nosos pecados. E ese amor foi derramado nos nosos corazóns co Espírito Santo que se nos deu polos sacramentos da iniciación cristiá e que é para toda a humanidade.
· Celebramos hoxe e ao longo desta semana diversos actos con motivo da Pascua do Enfermo. Que significa esta celebración e por que é importante facela presente na nosa diocese?
· Xa comentabamos o pasado domingo varias citas importantes neste mes de maio, e unha delas terá lugar precisamente o vindeiro sábado. O día 15 celébrase o san Cidre, o patrón dos agricultores, e por iso a delegación de Pastoral Rural pon o foco este mes en varias cuestións que se poden traballan nas nosas aldeas e parroquias rurais de cara a unha mellor evanxelización en tempos de pandemia.
· Antes dese Día do Mundo Rural temos outras onomásticas relevantes ao longo da semana, especialmente nalgunhas parroquias da nosa diocese (a Virxe de Fátima, a Santa Rita…). De feito, mañá luns lembramos a san Xoán de Ávila, patrón dos nosos sacerdotes, un día que servirá para celebrar as vodas de prata, ouro e diamante dos que están de aniversario este ano 2021 e dos que o estiveron o pasado 2020.
· Falamos agora de balances, sobre tres reunións importantes que tiñan lugar esta semana: a do Consello Diocesano de Asuntos Económicos o xoves, a dos responsables das dioceses da Provincia Eclesiástica de Santiago o venres e a Asemblea Anual de Cáritas Diocesana onte sábado. Foron tres encontros ben diferentes, pero que podemos resumir como o máis destacado de cada un deles?
· Xa que repasamos celebracións e onomásticas a nivel diocesano, non podemos esquecer á xente que traballou, estudou ou estivo vencellada dunha ou doutra forma ao colexio Nosa Señora do Pilar de Foz. E é que nestes días comezaron os actos do 75 Aniversario do centro, un referente na localidade focega e na comarca da Mariña. Estes días houbo unha conferencia inaugural, púxose en marcha unha exposición fotográfica no Cenima e o vindeiro 27 de maio os actos pecharanse cun acto institucional e unha misa na parroquia de Foz.
· Falamos por último dunha cuestión máis global, e non por iso menor, e que seguramente se irá artellando ao longo dos vindeiros meses. O papa Francisco anunciaba estes días que o traballo dos catequistas alcanzará a consideración de ministerio. Que significará isto na práctica?
«Durante este tempo de pandemia Cáritas está a facer un papel enorme: é o rostro visible da caridade da Igrexa»