‘Habla la Diócesis’ (18.04.2021): Ordenación sacerdotal Jaime + La diócesis conoce a sus seminaristas

Intervención semanal del administrador diocesano a través de la Cadena COPE

· DOMINGO DE PASCUA: Estaba escrito que o Mesías tiña que padecer, sendo así vítima de propiciación polos nosos pecados e polos do mundo enteiro. Pero Deus resucitouno de entre os mortos e no seu nome predicarase a conversión e o perdón dos pecados a todos os pobos. Esta é a razón do noso ser cristiáns, membros da Igrexa: existimos para evanxelizar, unha vez convertidos dos nosos pecados. Tamén é a fonte da nosa alegría e esperanza de participar un día do gozo da resurrección. E desde que resucitou, Cristo revélasenos a través dos signos: o partir o pan, a eucaristía; as chagas das súas mans e os seus pés, os nosos irmáns máis pobres e necesitados.

· Seguimos neste tempo de Pascua, e xa coa vista nunha celebración moi especial que terá lugar este vindeiro sábado 24 de abril, na Catedral de Mondoñedo. Trátase da ordenación sacerdotal de Jaime Iglesias García, a primeira que se levará a cabo na nosa diocese desde o ano 2014. Tamén avanzamos que, un día despois, o domingo 25, Jaime oficiará a súa primeira misa como sacerdote na parroquia onde xa colabora actualmente, en Santa María de Caranza.

· Precisamente, ese domingo 25 celebrase a Xornada Mundial de Oración polas Vocacións e as Vocacións Nativas baixo o lema “Para quen son eu?”. Neste senso, a diocese xa leva un mes lembrando estas cuestións a raíz do Día do Seminario, e precisamente esta fin de semana estase levando a cabo unha convivencia especial entre os nosos seminaristas, que están a compartir encontros e celebracións con diferentes comunidades, colectivos e parroquias da nosa zona, en concreto na comarca da Mariña.

· Falamos tamén doutras actividades que tiveron lugar esta semana, comezando polo Encontro de Formación Permanente do Clero que se celebrou en Mondoñedo e Ferrol, en dúas sesións diferentes: martes 13 e mércores 14.

· Temos que falar tamén da situación da pandemia do coronavirus, unha cuestión na que temos unha de cal e outra de area. Por unha banda, vemos con satisfacción o avance da vacinación, a ampliación do toque de queda e a maior apertura das residencias e locais de hostalería.

· Breves: Día do Libro en Mans Unidas Ferrol. Durante a vindeira semana estarán á venda no local da rúa Magdalena varios libros infantís e para adultos que foron doados á entidade. Volta á “normalidade” en Neda. Reabriuse a capela de San Antonio de Casadelos e voltaron as tradicionais peregrinacións a San Nicolás. Falecemento de sor Lourdes, que pertencía á comunidade das Concepcionistas de Viveiro.