Labrada acollerá a celebración diocesana pola vida rural 2026

• Organizada pola delegación de Pastoral Rural o vindeiro 16 de maio, baixo o lema «Se vivimos na aldea, traballaremos por defendela»

A diocese de Mondoñedo-Ferrol invita a toda a comunidade a participar na Xornada Diocesana do Mundo Rural, que se celebrará o vindeiro 16 de maio na parroquia de San Pedro de Labrada (Abadín), baixo o lema «Se vivimos na aldea, traballaremos por defendela». Esta iniciativa, encadrada na defensa da vida rural e en sintonía coas preocupacións da Igrexa pola ecoloxía integral e o desenvolvemento sostible, busca reflexionar sobre as fortalezas, dificultades e proxectos das nosas bisbarras.

O programa comezará ás 12:00 horas cun encontro e acollida no adro da igrexa de Labrada. Ás 12:15 horas, na igrexa parroquial, haberá unha sesión informativa sobre a realidade rural nesta parroquia e na bisbarra, abordando temas como os soños, plans e o posible servizo relixioso nestes contextos. Ás 13:00 horas, o noso bispo, Fernando García Cadiñanos, presidirá a eucaristía, momento central da xornada.

Despois, ás 14:30 horas, terá lugar un xantar fraterno na nave da comunidade do Barral. Para participar é preciso inscribirse antes do 10 de maio contactando con Vanesa (686 018161), Henar (654 194446) ou Manolo (669 607675) por teléfono ou WhatsApp. O menú contratado ten un custo de 35 euros por adulto (gratis ata 6 anos; 18 euros de 6 a 12 anos). Quen prefira traer comida propia terá espazo dispoñible. Tras o xantar, haberá un tempo de animación con música e baile.

Esta xornada súmase ás iniciativas eclesiais de apoio ao mundo rural, nun contexto onde a Igrexa española denuncia o abandono institucional e promove un futuro sostible para as aldeas.

Para máis información, contacte coa delegación diocesana de Pastoral Rural no email rural@mondonedoferrol.org