Oito sacerdotes serán homenaxeados en Mondoñedo nas súas vodas sacerdotais

Como se anunciou no seu momento desde a delegación Clero, a festa sacerdotal de San Xoán de Ávila, na que tradicionalmente se homenaxea aos presbíteros que celebran as súas vodas sacerdotais, non se celebrou este ano o 10 de maio. Esta homenaxe terá lugar o vindeiro 12 de xuño, xoves, no Seminario de Mondoñedo, coincidindo coa celebración de Xesucristo sumo e eterno sacerdote, xubileu do presbiterio de Mondoñedo-Ferrol.

Os sacerdotes que serán homenaxeados este 2025 son os seguintes:

· Vodas de Prata (25 anos): Rvdo. Jesús Álvarez Piñón e Rvdo. José Eduardo Silva Parada.

· Vodas de Ouro (50 anos): Rvdo. Vicente Bretal Sande.

· Vodas de Diamante (60 anos): Rvdo. Ignacio Díaz Veiga, Rvdo. Avelino González Loureiro e Rvdo. Rafael Lombardero García.

· Vodas de Platino (70 anos): Rvdo. Virgilio Barro Casabella e Rvdo. Jesús Vázquez Paz.

A acollida da xornada terá lugar ás 10:30 horas para, a continuación proceder co rezo da Hora Intermedia no aula Crecente Vega. Ás 10:45 horas desenvolverase unha mesa redonda baixo o tema «Os papas das xeracións dos homenaxeados», cun tempo de descanso e café ás 11:30 horas. Despois chegará o acto de homenaxe aos sacerdotes que celebran o seu aniversario, para rematar coa celebración da eucaristía, ás 13:00 horas, na catedral. No Serminario servirase a continuación un xantar, para o que é preciso concretar a asistencia no teléfono 982 52 10 00).

É un día de fraternidade sacerdotal, unha xornada de festa e oración que convoca a todos en torno ao Mestre para seguir a súa pegada. Parabéns aos homenaxeados!