«El Espejo» (02.06.2023): Boas prácticas antiabusos + Peregrinación a Lourdes + Novo arcebispo compostelán

Programa «El Espejo de Mondoñedo-Ferrol» do venres 2 de xuño de 2023. Magacine semanal de actualidade diocesana, dirixido e presentado por Baruk Domínguez a través de COPE Ferrol e COPE de la Costa-Ribadeo.

Entrevista: Concha Quintela, directora da Comisión PROTEXE

Entrevista a Concha Quintela, responsable diocesana da Comisión PROTEXE (protección e acompañamento a menores, persoas vulnerables e familias) con motivo da publicación da «Guía diocesana de boas prácticas para a protección de menores». Trátase dunha ferramenta coa que se dota a Igrexa para previr e crear espazos seguros na Igrexa para os menores e persoas vulnerables, e restaurar as inxustizas cometidas a través do necesario acompañamento. O documento presentarase oficialmente na diocese ao comezo do curso pastoral 2023-2024.

Entrevista: Cándido Otero, consiliario da Hospitalidade de Lourdes

Un ano máis, a Hospitalidade de Lourdes de Mondoñedo-Ferrol convoca a peregrinación ao santuario mariano de Lourdes, que se desenvolverá entre os días 26 e 30 do mes de xuño. Para contarnos todos os detalles desta peregrinación compartimos a entrevista ao consiliario diocesano, o sacerdote Cándido Otero. O prazo de inscrición pecharase o próximo 12 de xuño.

Declaracións: Mons. Francisco José Prieto, arcebispo electo de Santiago

Recollemos as palabras do arcebispo electo de Santiago de Compostela, monseñor Francisco José Prieto, horas antes de de a súa toma posesión da sede compostelá, mañá sábado 3 de xuño, nunha cerimonia na que participará o noso bispo Fernando García. Felicidades, monseñor!

Horizontes desde Loiba

Co sacerdote Javier Martínez resumímosvos, dun xeito máis más pausado, todo o que foi noticia durante a semana en Mondoñedo-Ferrol.

?? Voltamos cun novo programazo de #ElEspejoMF!!

Hoxe falaremos de boas prácticas #AntiAbusos; e achegarémonos ata @DioceseSantiago para recoller as impresións do arcebispo @ObispoPrieto antes da súa toma de posesión

??? Escoitámonos ás 13:30 h. @CopeFerrol @copedelacosta pic.twitter.com/2GpIucc0Zt

— Diócesis de Mondoñedo-Ferrol (@mondonedoferrol) June 2, 2023