Peregrinación diocesana ao santuario de Lourdes

Un ano máis, a Hospitalidade de Lourdes de Mondoñedo-Ferrol convócanos a participar na peregrinación ao santuario mariano de Lourdes, que se desenvolverá entre os días 26 e 30 do vindeiro mes de xuño.

Desde a organización infórmase que sairán da nosa diocese dous autobuses: un desde Ferrol cara ao interior, e outro desde Ortigueira pola zona de costa.

En canto ao prezo da viaxe e aloxamento estableceuse da seguinte forma: cuarto dobre, 375 euros (se non se indica previamente, a organización distribuirá as habitacións); cuarto individual, 500 euros (suxeito á dispoñibilidade do hotel).

Para realizar a inscrición é necesario contactar coa organización, ben mediante chamada telefónica, ben mediante mensaxe de Whatsapp a calquera dos seguintes números: 659 920 253 – 696 410 534. Unha vez confirmada a inscrición desde a organización proporcionarase un código persoal e o número de conta no que se deberá realizar o ingreso. No concepto do abono indicarase o nome e apelidos e o código persoal asignado. Un vez realizado o ingreso bancario haberá que enviar por Whatsapp (a calquera dos teléfonos indicados) unha fotografía do xustificante. A inscrición quedará formalizada soamente cando se reciba este documento acreditativo.