Facebook Instagram TikTok Twitter

Para orar cada día

2ª Semana del Tiempo Ordinario
Martes 20 de enero de 2026. Festividad de San Eutimio
Comentarios preparados por el sacerdote diocesano Xaquín Campo

«O sábado fíxose para o servizo do home, e non o home para o servizo do sábado»

Marcos 2, 23-28

Un sábado cadrou que pasaron por uns terreos sementados; os seus discípulos, mentres ían de camiño, empezaron a arrincar espigas. Entón dixéronlle os fariseos: «Mira para aí, por que fan o que non lles está permitido facer nun sábado?». El respondeulles: «Seica non sabedes o que fixo David, cando el e mais os seus acompañantes se viron apurados e con fame? No tempo do sumo sacerdote Abiatar entrou na casa de Deus e comeu o pan ofrecido «pan que só podían comer os sacerdotes» e repartiu incluso cos seus compañeiros. E concluíu: «O sábado fíxose para o servizo do home, e non o home para o servizo do sábado. Así que o Fillo do Home é Señor incluso do sábado».


Comentario

Para os fariseos, a lei de Moisés era a manifestación da vontade de Deus. CUMPRILA! E punto! Normas que, nun principio axudaban a vivir a relación con Deus e cos irmáns, convertéranse en cargas pesadas e imposíbeis. Xesús intervén para defender o ser humano ante a lei. Coloca ao ser humano no centro. El non vén candear senón salvar. Lévanos a comprendermos e experimentarmos a súa autoridade creadora”.

Unha vez mais Xesús toma postura critica fronte ás institucións xudaicas. Un legalismo que presentaba a Deus como xuíz controlador de todo. Supera a casuística! E Xesús dixo: “Non necesitan de médico os sans senón os enfermos. Non vin chamar xustos, senón pecadores”. (Mc 2, 17). Educar para o amor auténtico, alonxar da soidade, sen esquecer a súa misión de bo samaritano da humanidade ferida”. Xesús revela a súa autoridade fronte á lei que crea conflitos. Cumpren “a letra” pero esquecen o espírito que lle dá sentido. “A Igrexa ensina e defende os valores fundamentais, sen esquecer que “ o sábado se fixo para o home e non o home para o sábado (Mc 2 27).


Para reflexionar

· VER: Que leis, normas e actuacións dámos e nos dan hoxe e que, de verdade, son inxustas, opresivas e degradantes para a dignidade humana a nivel relixioso, persoal, político, social, etc. examinar os medios, os móbiles, a IA, etc.?

· XULGAR: Nas igrexas, en todas, somos liberadores ou escravizantes das conciencias? Temos leis ou actuacións caprichosas ou abusivas? Ver todo o nº. 37 da Amoris laetitia do papa Francisco: “Estamos chamados a formar as conciencias, pero non a pretender substituílas”.

· ACTUAR: Como interpretamos e vivimos nós hoxe as leis na sociedade actual? Producen vida? Dan vida?”


Oración

Señor, ti soubeches facer sempre un sabio uso da verdadeira Ley divina para conducir a túa propia conduta e a dos discípulos, aínda que, por veces, fose contra da lei xudaica. Dános sabedoría para apoiarnos no teu Evanxeo en todas as accións da nosa vida aínda que por veces vaia contra o “comasemprismo”, (sempre se fixo así), ou se é claramente degradante ou inxusta. Amén (Sal 110,b).

María Santa, Nai da escoita activa dos teus fillos e fillas que sofren, roga por nós. Amén.