Facebook Instagram TikTok Twitter

Para orar cada día

29ª Semana del Tiempo Ordinario
Lunes 19 de octubre de 2026. Festividad de San Pablo de la Cruz
Comentarios preparados por Óscar Fernández, sacerdote diocesano

«Gardádevos da cobiza, que por moito que un teña, non por iso a súa vida depende dos seus bens»

Lucas 12, 13-21

Díxolle entón un que estaba entre a xente: —Mestre, dille a meu irmán que reparta a herdanza comigo. El contestoulle: —Home, quen me nomeou xuíz ou testamenteiro entre vós? E logo díxolle á xente: —Atención: Gardádevos da cobiza, que por moito que un teña, non por iso a súa vida depende dos seus bens. E propúxolles unha parábola: —As terras de certo home rico déranlle moito froito. Púxose entón a cavilar: “Como vou facer, que non teño onde meter o froito?”. E dixo: “Xa o sei. Vou desfacer os meus celeiros, e constrúo outros máis grandes e alí meto o trigo todo e todos os meus bens. Logo direime a min mesmo: Amigo, xa tes aí reservas para moitos anos; descansa, come, bebe, e… a vivir!”. Pero Deus díxolle: “Insensato, esta mesma noite váiseche reclamar a túa vida: para quen será todo o que fixeches?”. Así é quen atesoura riquezas para si, pero non é rico para Deus.


Comentario

Con frecuencia buscamos o apoio dunha terceira persoa para que se poña da nosa parte no litixio con outros, moitas veces sen preocuparnos se temos ou non razón. A veces os motivos son a avaricia, como no texto de hoxe. Xesús o primeiro que fai é desentenderse de tomar partido en disputas que non son limpas. Máis ben invita a ampliar a mirada e darse conta do risco das riquezas, cando non somos conscientes de que son un medio e que son transitorias como a vida mesma. A parábola do avaro indica que é unha tolemia pensar que os ricos non morren. A todos nos chegará a hora e de nada nos servirá ter acumulado bens materiais para nos mesmos se non somos ricos para Deus. 


Para reflexionar

Cales son as miñas ambicións na vida? Estou demasiado preocupado por xuntar bens materiais? Teño presente que un día terei que dar conta a Deus da miña vida? 


Oración

Señor, fai que non nos domine o egoísmo. Axúdanos a ser responsables, pero xenerosos, sabendo que todos os bens son un regalo Teu.