ConcatedralConcatedral

Referencias históricas

A concatedral de San Xiao de Ferrol xorde na súa actual estrutura asociada á nova cidade departamental, froito da construción do arsenal militar e os estaleiros da armada. Por bula de Xoán XXIII do 9 de marzo de 1959, a igrexa parroquial de San Xiao de Ferrol alcanza a categoría de concatedral da diocese mindoniense-ferrolense.

A inauguración oficial deste templo na súa calidade de Concatedral tivo lugar o día 14 de agosto de 1959. O templo, que desta forma vén ocupar o segundo posto entre todos os do bispado, data do último terzo do século XVIII. É obra do enxeñeiro Julián Sánchez Bort, quen ultimou o seu proxecto baseándose nos planos da igrexa de San Andrés Avelino de Roma.

A fachada principal, diante da cal se estende un espazoso atrio, mira cara ao poñente. Está formada por dous corpos superpostos, divididos por un cornisamento de sillería e rematados por un frontón triangular, que ostenta a cruz no centro e remates piramidais nos seus extremos. Separados deste corpo central por dous contrafortes se sillería, levántanse as dúas torres de sillería, totalmente simétricas, rematadas por bóvedas trasdosadas e flanqueadas por elevados pináculos, provistos de cruz e catavento. A planta exterior do templo ocupa unha superficie cadrada, mentres que o seu interior forma unha cruz grega, de brazos perfectamente equiláteros, con naves de bóvedas cilíndricas, ocupando as súas catro esquinas outras capelas de bóvedas vaídas. Sobre os catro arcos levántase unha cúpula de media laranxa, que culmina nunha espazosa lanterna, rematada por unha pequena bóveda esférica. A proporción das súas dimensións, a profusión de pedra de sillería, tanto no exterior como no interior, e a harmonía de todas as súas liñas, prestan ao templo concatedralicio un encanto especial, certo empaquetado monumental e un notable sabor artístico.

O seu titular é San Xiao, cuxa imaxe figura no retablo do altar maior. A súa festividade celébrase o 7 de xaneiro.

Situación y contacto

Rúa da Iglesia, s/n, 15402, Ferrol (A Coruña)
981 354  725
concatedralsanxiao@mondonedoferrol.org

Horario

De 10:00 a 13:00 h. e de 17:30 a 19:00 h. (excepto os sábados e véspera de festivos, ata as 20:15 h., xa que hai misa; os domingos pola tarde permanece pechada).

Horario de misas

· De luns a venres: 11:00 h.
· Sábados: 11:00 h.; 19:00 h. (inverno); 19:30 h. (verán)
· Domingos e festivos: 11:00 h.; 12:00 h. (catequese); 13:00 h.