Que éQué es

No ano 2014 a Conferencia Episcopal Española puxo en marcha o seu Plan de Transparencia. Unha ocasión excepcional para render contas, seguir avanzando na mellora e atender novas demandas. A adhesión aos estándares nacionais e internacionais de transparencia converteuse, sobre todo para a Igrexa católica no noso país, nunha oportunidade de apertura, de Igrexa en saída e de portas abertas.

A creación da Oficina de Transparencia da CEE e os compromisos recollidos no Convenio con Transparencia Internacional marcaron o verdadeiro impulso para que cada vez máis entidades da Igrexa, entre elas nosa diocese de Mondoñedo-Ferrol, avancen no camiño da transparencia.

A Oficina de Transparencia de Mondoñedo-Ferrol ten como misión achegar a Igrexa diocesana á sociedade mediante o impulso de medidas de trasparencia e bo goberno económico na diocese e as súas obras, así como no resto de entidades que dela dependan.

As súas principais liñas de actuación son: velar por fomentar prácticas de transparencia e bo goberno na diocese; asesorar ás parroquias/UPA e entidades dependentes; revisar os sistemas contables e de información, en liña co disposto na Lei 19/2013, do 9 de decembro, de Transparencia, acceso á información pública e bo goberno.

Director

D. Carlos M. Alonso Charlón
Domus Ecclesiae, Miramar, s/n, 15401, Ferrol (A Coruña)
981 353 295
transparencia@mondonedoferrol.org
Horario de atención ao público: de luns a venres, excepto os martes, de 08:00 a 15:00 h.