Nomeamentos diocesanos: Delegado de Xuventude e Defensor do Vínculo

Con data de 24 de outubro de 2025, o bispo diocesano, monseñor Fernando García Cadiñanos, tivo a ben realizar os seguintes nomeamentos:

· D. Alberto Varela Muñiz, delegado episcopal de Pastoral de Xuventude
Os mozos, segundo o Concilio Vaticano II, constitúen a esperanza da Igrexa. Son eles os que van formar a sociedade do mañá. Por iso, polas presentes nomeo ao Sr. D. Alberto Varela Muñiz como Delegado Episcopal de Pastoral de Xuventude na Diocese de Mondoñedo-Ferrol, por un período de cinco anos, con todas as facultades, dereitos e obrigacións inherentes ao devandito cargo, a teor do vixente Código de Dereito Canónico.

· Rvdo. D. Richard Kabwengy Ndunda Kalomba, defensor do Vínculo e promotor de Xustiza
Para salvagardar a tutela destes dereitos e a santidade das realidades sacras, o exercicio de xurisdición comprende a potestade xudicial, que ten nos xuíces e tribunais os instrumentos para que os fieis poidan reclamar lexitimamente os dereitos que teñen como membros da Igrexa, e defendelos no foro eclesiástico, así como o dereito para ser xulgados segundo as normas da Igrexa (C.I.C. can.221), que garanten un trato en xustiza de persoas e cousas santas. Por iso, polas presentes nomeo, por un período de cinco anos, ao Rvdo. Sr. D. Richard Kabwengy Ndunda Kalomba como Defensor do Vínculo e Promotor de Xustiza na Diocese de Mondoñedo-Ferrol con todas as facultades, dereitos e obrigacións inherentes ao devandito cargo, a teor do vixente Código de Dereito Canónico.

Pido ao Señor que lles envie a Luz e a forza do seu Espírito para que desempeñen con abnegación e sentido evanxélico devanditos cargos en ben da nosa querida Diocese.

+ Fernando García Cadiñanos, bispo de Mondoñedo-Ferrol