O servizo de Comunicación da diocese mantén activo a canle de WhatsApp +DiócesisINFORMA, a mellor forma de estar ao día de toda a actualidade diocesana (noticias, axenda, cultura, bispo, celebracións), realizar consultas sobre trámites ou outros temas de interese sobre Mondoñedo-Ferrol.

Explicámoste como podes formar parte desta lista de difusión. É moi sinxelo:

1º. Engade este número aos teus contactos do móbil: 689 74 86 79

2º. Envíanos un whatsapp coa palabra ‘ALTA’, seguida do teu nome e apelidos.

3º. Recibe toda a información da diocese.

Poderás cancelar a subscrición sempre que queiras, enviándonos un whatsapp coa palabra ‘BAIXA’, seguida do teu nome e apelidos. Lembra que recibirás as mensaxes só de luns a venres (excepto Semana Santa, Nadal e o mes de agosto).

Sobre o funcionamento do servizo e protección de datos

Se tes algunha dúbida sobre o funcionamento deste servizo, podes contactar coa secretaría de Comunicación chamando ao teléfono 981 353 295 (de luns a venres de 8 a 15 horas) ou escribir un email a mcs@mondonedoferrol.org

Dacordo co Decreto Xeral de Protección de Datos da Igrexa católica e a LOPD, os datos de carácter persoal proporcionados por esa vía serán incorporados a un ficheiro propiedade da diocese, coa única e exclusiva finalidade de xestionar o servizo descrito. Podes exercitar en calquera momento os teus dereitos de acceso, rectificación, cancelación e oposición de conformidade co establecido no Decreto Xeral de Protección de Datos da Igrexa católica e a LOPD ante a diocese como responsable do ficheiro a través dos seguintes medios: mensaxe de Whatsapp ao 689 74 86 79 ou correo electrónico dirixido a mcs@mondonedoferrol.org, acompañado dunha copia do teu DNI, Pasaporte, NIE ou documento de identificación equivalente.