Acción Católica organiza en Mondoñedo un encontro de primeiro anuncio para as dioceses de Galicia

• A iniciativa Cuatro40 celebrarase do 25 ao 27 de setembro e propón un fin de semana de reflexión, testemuños e vida comunitaria

Acción Católica Xeral organiza do 25 ao 27 de setembro un encontro Cuatro40 no Seminario de Mondoñedo. A convocatoria está aberta a participantes de todas as dioceses de Galicia e a Diocese de Astorga, e enmárcase no proxecto de primeiro anuncio e renovación parroquial promovido por esta organización.

A iniciativa pretende axudar ás parroquias para avanzar cara a unha dinámica máis evanxelizadora e propiciar un encontro privado con Cristo que impulse a renovación das comunidades cristiás. Para iso, o programa propón unha fin de semana intensa de corenta horas, desde o venres ata o domingo, no que se combinarán testemuños persoais, dinámicas vivenciais e a escoita da Palabra de Deus.

O encontro Cuatro40 foi experimentado xa en distintos lugares cunha resposta pastoral positiva. Tras a experiencia inicial, o proceso continúa con sete encontros espazados durante os meses seguintes. Esta segunda etapa, concibida como unha especie de precatecumenado, busca profundar no vivido durante a fin de semana e ofrecer continuidade comunitaria e formativa.

O obxectivo final é favorecer a creación de grupos estables de vida e discipulado no seo das propias comunidades parroquiais. Deste xeito, o encontro non se expón como unha actividade illada, senón como o inicio dun itinerario de crecemento na fe e de participación activa na vida da Igrexa. A experiencia de cuatro40 desenvolvida en Xaén, por exemplo, incorporou sete semanas de continuidade para facilitar a inserción dos participantes nas súas parroquias.

Unha proposta aberta a distintos perfís

A convocatoria diríxese especialmente a laicos comprometidos que desexan reavivar a súa fe ou recuperar o que o proxecto denomina o «amor primeiro». Tamén está pensada para quen participa na celebración dos sacramentos, pero non se implican activamente na vida comunitaria. Así mesmo, poden atopar nesta proposta un espazo de procura e reflexión as persoas que se fan preguntas sobre a fe, desexan achegarse á Igrexa ou queren coñecer mellor a súa vida e a súa mensaxe.

A denominación Cuatro40 remite a varios elementos da tradición cristiá. O número catro alude aos catro evanxeos e lembra a pasaxe do Evanxeo de santo Juan no que os primeiros discípulos atópanse con Xesús: «Eran como as catro da tarde» (Xn 1,39). O número corenta fai referencia á duración do encontro e, ao mesmo tempo, á simboloxía bíblica da espera confiada e da preparación para un acontecemento importante.

Inscricións e contacto

Desde Acción Católica de Mondoñedo-Ferrol anímase ás parroquias e fieis para acoller esta iniciativa como unha oportunidade para comezar o novo curso con ilusión renovada e fortalecer a vida comunitaria. O feito de que o encontro se celebre no Seminario de Mondoñedo constitúe, ademais, unha ocasión para compartir esta experiencia con participantes procedentes de distintas realidades diocesanas de Galicia.

Segundo Luzma Pousa, máxima responsable diocesana de Acción Católica, Cuatro40 busca” non só renovar a nosa ilusión no Señor, senón que queremos comezar un camiño na nosa diocese e nas nosas parroquias, crear un equipo que axude a que outros se atopen con El e comezar unha renovación parroquial”-

As persoas interesadas poden solicitar información a través da súa parroquia ou escribir á dirección de correo electrónico acg@mondonedoferrol.org