“El Espejo” (12.04.2024): Semanas Sociais en Mondoñedo + Asemblea Diocesana de Catequistas

Programa «El Espejo de Mondoñedo-Ferrol» do venres 12 de abril de 2024. Magacine semanal de actualidade diocesana, dirixido e presentado por Baruk Domínguez a través de COPE Ferrol e COPE de la Costa-Ribadeo.

Entrevista: Jesús Álvarez Piñón, vigairo para a Caridade

A diocese vivirá mañá sábado en Mondoñedo unha xornada moi especial: a fase diocesana das Semanas Sociais da Conferencia Episcopal. Trátase de xerar un espazo de encontro máis próximo, nas diferentes dioceses, para analizar, dialogar e construír, de forma sinodal, respostas aos desafíos éticos, económicos e culturais da nosa sociedade española. Co vigairo para a Caridade, Suso Álvarez, avanzamos o plan do día e o significado desta convocatoria, no que a Igrexa promove as súas aportancións á luz do humanismo cristián.

Entrevista: Carlos Miranda, delegado de Catequese e Catecumenado

Seguindo co lema de «Catequistas para servir», co obxetivo de atoparse e animarse, compartir inquedanzas e valorar as novas propostas da delegación, celebrarase no colexio La Salle de Ferrol a Asemblea Diocesana de Catequistas. Será o vindeiro 27 de abril. Co delegado diocesano de Catequese e Catecumenado, o sacerdote Carlos Miranda, profundaremos nesta xornada: convocatoria, planning, experiencias, etc. Non perdades a entrevista!

Para pensar: «El grano de oro»

A sección «Para pensar» é unha reflexión semanal que prepara cada mes unha comunidade relixiosa da nosa diocese. Durante este mes de abril, de xeito especial, encárganse a comunidade dos padres mercedarios de Ferrol.

Horizontes desde Loiba

Co sacerdote Javier Martínez resumímosvos, dun xeito máis más pausado, todo o que foi noticia durante a semana en Mondoñedo-Ferrol.