Encontro de Catequistas de Galicia en Santiago

• Santiago acollerá o Encontro de Catequistas o 24 de xaneiro de 2026
• Unha cita para crecer en comunidade e sinodalidade, renovar o compromiso e afondar na misión catequética hoxe

Santiago de Compostela acollerá o vindeiro 24 de xaneiro un Encontro de Catequistas de Galicia, unha xornada especialmente pensada para favorecer o encontro, a formación e a reflexión entre quen desempeña este importante labor pastoral nas nosas comunidades.

O evento pretende ser un espazo para crecer en comunidade e sinodalidade, compartir experiencias, fortalecer a vocación catequética e profundar nos retos e oportunidades que presenta a misión evanxelizadora na actualidade. Será tamén unha ocasión para convivir, dialogar e renovar o compromiso común ao servizo de la Iglesia galega.

O encontro dará comezo ás 10:30 h na Hospedería de San Martiño Pinario. Ao longo do día, os participantes poderán compartir e coñecer distintas experiencias de catequeses que se están desenvolvendo nas dioceses, favorecendo o intercambio de boas prácticas e a reflexión conxunta sobre a misión catequética no momento actual a través dos encontros que se irán sucedendo ao longo da mañá. Haberá tamén oportunidade para o encontro e intercambio fraterno entre os catequistas das distintas dioceses galegas. A iso contribuirá a comida de confraternidade, un verdadeiro signo de comuñón e encontro fraterno. A xornada rematará ás 17:00 h coa celebración da eucaristía, centro e culmen deste día de encontro.

Desde a organización, e por razóns organizativas, anímase aos párrocos e a todos os catequistas a realizar a súa inscrición antes do mércores 21 de xaneiro, e a participar nesta cita que busca fortalecer a vocación catequética e seguir camiñando xuntos como Iglesia en Galicia.

Na web oficial ofrécese información máis detallada sobre o programa e actividades que se van realizar a través https://catequesisdegalicia.org

Para calquera consulta ou dúbida está dispoñible a conta de email da delegación de Catequese e Catecumenado de Mondoñedo-Ferrol: dcatequese@mondonedoferrol.org

Unha oportunidade única para crecer xuntos na fe e na misión. Vémonos en Santiago!