“Esperanza e enfermidade: a visión cristiá da dor”: Cursiño de Pastoral da Saúde de Galicia

O vindeiro sábado 26 de outubro de 2024, organizado pola delegación diocesana de Pastoral da Saúde de Ourense e o SIPS (Secretariado Interdiocesano de Pastoral da Saúde), terá lugar no balneario de Laias o Cursiño Rexional de Pastoral da Saúde.

Nese marco especial haberá oportunidade para reflexionar durante este ámbito da pastoral, convocado nesta edición baixo o lema “Esperanza e enfermidade: a visión cristiá da dor”. Ofreceranse diferentes testemuños e poderase reflexionar sobre como a arte, a cultura e a antropoloxía achegaron as súas visións particulares a estas realidades (esperanza e enfermidade) ao longo da historia. Non faltará a parte lúdica, coa posibilidade de gozar das piscinas termais do balneario.

Para aquelas persoas interesadas en participar é necesario contactar coa delegación diocesana de Pastoral da Saúde e Maiores. En Mondoñedo-Ferrol están dispoñibles as seguintes canles: teléfono 686 998 685 e email psalud@mondonedoferrol.org